भरतपुरका संक्रमितको चितवन मेडिकल कलेजमा मृत्यु

३ कात्तिक, चितवन । कोरोना भाइरसका कारण चितवन मेडिकल कलेजमा एक जना संक्रमितको मृत्यु भएको छ । भरतपुर महानगरपालिका–१० का ७६ वर्षीय पुरुषको आज बिहान ४ बजे मृत्यु भएको हो ।

ज्वरो, खोकी र श्वासप्रश्वासको समस्या भएपछि उनलाई गत असोज २० गते अस्पताल भर्ना गरिएको थियो । उच्च रक्तचाप, प्रोस्टेट र थाइराइडबाट पनि पीडित ती पुरुषमा असोज २० गते नै कोरोना संक्रमण पुष्टि भएको थियो । उपचारमा अथक प्रयास गर्दागर्दै आज बिहान उनको मृत्यु भएको हो ।