च्याम्पियन्स लिगमा म्यान्चेष्टर युनाईटेडले पीएसजीलाई हरायो

५ कार्तिक, एजेन्सी । च्याम्पियन्स लिग फूटबलमा म्यान्चेष्टर युनाईटेडले पीएसजीलाई हराएको छ । मंगलबार भएको समूह एचको खेलमा युनाईटेडले पीएसजीलाई २–१ गोलले हराएको हो ।

पीएसजीलाई हराउन म्यान्युका मार्कुस रसफोर्ड र ब्रुनो फर्नान्डेजले गोल गरे । म्यान्युकै एन्थोनी मार्सियलले आत्मघाती गोल गरेका थिए । जितसँगै समूह एचको युनाईटेडले पहिलो खेलमै ३ अंक बटुलेको छ । गत सिजन फाईनल खेलेको पीएसजी पहिलो खेलमै अंक विहिन बनेको छ ।