पूरुषका लागि बन्यो गर्भनिरोधक औषधि, कण्डमको झन्झट हट्यो !

२९ कार्तिक, काठमाडौं । महिलाले मात्रै प्रयोग गर्ने गर्भनिरोधक औषधि अब पुरुषका लागि पनि बनेको छ । एकपटक खोप लगाएपछि १३ बर्षसम्म ढुक्क हुने औषधि बनाएको वैज्ञानिकहरुले बताएका छन् ।

इन्डियन काउन्सिल अफ मेडिकल रिसर्च आईसीएमआरले पुरुषका लागि बनाइएको उक्त खोप विश्वस्तरीयरुपमा सुरक्षित, प्रभावकारी र लामो समयसम्मका लागि उपयोगी साबित हुने दाबी गरेको छ । यसको प्रयोग शुरुको समयमा ३०० जना पुरुषमा गरिएको छ । तीन पटकसम्म चलेको उक्त क्लिनिकल ट्रायलमा साइड इफेक्ट नभेटिएको पनि बताइएको छ ।

आईसीएमआरका वरिष्ठ वैज्ञानिक डा. आर एस शर्माका अनुसार तयार भएको उक्त खोपका लागि भारत सरकारले स्वीकृति दिइसकेको छैन् । परीक्षणका क्रममा खोप सफल भएकाले यो प्रभावकारी हुने अनुमान गरिएको छ ।

यो औषधि प्रयोगमा आएमा अब यौनसम्पर्क गर्दा गर्भनिरोधका लागि कण्डम लगाउनुपर्ने झण्झट हट्ने भएको छ ।