प्रचण्डले ओलीमाथि लगाएको आरोप सत्य हो : गगन थापा

३ मंसिर, काठमाडौं । नेपाली कांग्रेसका नेता गगन थापाले प्रधानमन्त्री केपी शर्मा ओलीमाथि प्रचण्डले लगाएको आरोपमा सत्यता रहेको दाबी गरेका छन् । बुधबार सामाजिक सञ्जाल ट्वीटमा आफ्नो धारणा सार्वजनिक गर्दै कांग्रेस युवा नेता थापाले सचिवालय बैठकमा प्रचण्डले पेश गरेको प्रतिवेदनमा ओलीमाथि लगाएका आरोप सत्य र राष्ट्रिय सरोकारको विषय भएको पनि बताएका हुन् ।

‘यस प्रकरणमा उठेका र उठाइएका सार्वजनिक र राष्ट्रिय सरोकारका विषयहरूलाई फगत पार्टीभित्रको आन्तरिक शक्ति सङ्घर्षबीच उठेको मनमुटाबको तितो अभिव्यक्तिका रुपमा लिने भूल कम्तीमा प्रतिपक्षले गर्नेछैन’ थापाले ट्वीटमा उल्लेख गरेका छन् ।

थापाले प्रचण्डले आफ्नै पार्टीका तर्फबाट बनेका प्रधानमन्त्रीको सन्दर्भमा उठाएका एकएक प्रकरणको हिसाबकिताब संसद् र सडकबाट माग्ने पनि बताएका छन् ।

सरकारमाथि नेकपाकै अध्यक्ष प्रचण्डले उठाएका प्रश्न नेकपाभित्रको कुरा मिल्दैमा अब फिर्ता नहुने पनि उनले बताएका छन् । प्रचण्डले आरोपसहित प्रतिवेदन पेश गरेपछि ओली सरकार फेरि पनि संकटमा परेको छ ।

प्रचण्डले ओलीमाथि लगाएको आरोपका बारेमा गगन थापाको विस्तृत धारणा