डिपोबाट ढुवानी अनुदानमा उपलब्ध चामल बिक्नै छाड्यो
नेपालबहस संवाददाता
मंसिर १२, २०७७ शुक्रबार २२:२१:११
१२ मंसिर, गोरखा। धार्चे गाउँपालिकाको माछाखोला डिपोबाट ढुवानी अनुदानमा उपलब्ध गराइँदै आएको सहुलियत दरको चामल बिक्री हुन छाडेको छ । खाद्य अभाव भोग्दै आएका धार्चे र चुमनुब्री गाउँपालिकाका विभिन्न क्षेत्रका नागरिकलाई लक्ष्य गरी ढुवानी अनुदानको चामल उपलब्ध गराइँदै आएको धार्चे डिपोबाट पछिल्लो दुई वर्षदेखि न्यून मात्र चामल बिक्री हुने गरेको छ ।
पछिल्लो समय गुम्दासम्म सडक पुगेपछि व्यापारीले नै बिक्रीका लागि स्थानीय बजारमा चामल पु¥याउन थालेपछि ढुवानी अनुदानको चामल बिक्री हुन छाडेको खाद्य व्यवस्था तथा व्यापार कम्पनी लिमिटेड गोरखा शाखाका प्रमुख नवीन बस्नेतले जानकारी दिए । एउटै गुणस्तरको बजारको चामल मूल्यभन्दा खाद्य कम्पनीले ढुवानी अनुदान उपलब्ध गराउँदै आएको चामलको मूल्य महँगो परेकाले पनि त्यस क्षेत्रका नागरिकले ढुवानी अनुदानको किन्न छाडेका हुन् । “सोना मनसुली चामल अहिले बजारमा प्रतिबोरा एक हजार २६० रुपैयाँमा पाइन्छ”, कार्यालय प्रमुख बस्नेतले भने, “त्यही चामल खाद्य कम्पनीको माछाखोला डिपोमा प्रतिबोरा एक हजार ४४० रुपैयाँ तिर्नुपर्ने भएपछि डिपोबाट बिक्री ह्वात्तै घटेको छ ।”
अहिले व्यापारीले नागरिकका घरघरमा चामल पु¥याउँछन् । प्रमुख बस्नेतले भने, “ ढुवानी अनुदानको चामलभन्दा सहुलियत मूल्यमा चामल महँगो पर्ने भएपछि खाद्य कम्पनीको चामल बिक्री कम हुनु स्वाभाविक नै हो ।” बर्खाका बेला सवारी साधन चल्न नसक्ने अवस्थामा भने बजारको चामलभन्दा ढुवानी अनुदानको चामल अति सस्तो पर्ने भएकाले बर्खामा थोरै बिक्री हुने उनको भनाइ छ । यसअघि वर्षमा दुई हजार पाँच सय क्विन्टल चालम बिक्री गर्दै आएको माछाखोला डिपोबाट चालु आर्थिक वर्षमा बल्लतल्ल ८०० क्विन्टल चामल बिक्री गरिएको प्रमुख बस्नेतले जानकारी दिए ।
ढुवानी अनुदानको चामल बिक्री हुन छाडेपछि यस वर्षका लागि माछाखोला डिपोको कोटा घटाएर ५०० क्विन्टलमा झारिएको छ । “चालू आर्थिक वर्ष शुरुदेखि अहिलेसम्म एक क्विन्टल पनि चामल बिक्री भएको छैन, अहिले बिक्री नै नहुने भएकाले त्यहाँ स्टक पनि साढे एक क्विन्टल मात्र राखिएको छ”, प्रमुख बस्नेतले भने, “आवश्यकता परेका अवस्थामा जति बेला पनि चामल पु¥याउन सकिने अवस्था भने छ ।” माछाखोला डिपोबाट उत्तरी गोरखाका गुम्दा, उहिया, केरौजा, कोशीगाउँलगायत क्षेत्रका नागरिकले चामल लैजाने गरेका थिए ।
माछाखोला डिपोबाट कम्पनीले प्रतिकिलो सोना मनसुली र जापानी चामल रु ४८ मा बिक्री गर्ने गरेको छ । कम्पनीले उत्तरी गोरखाका धार्चे र चुमनुब्री गाउँपालिकाका नागरिकलाई लक्ष्य गरी माछाखोला र चुमनुब्री गाउँपालिकाको सिर्दिबासमा डिपो राखेर ढुवानी अनुदानमा चामल बिक्री गर्दै आएको छ ।
अहिले पनि सिर्दिबास डिपोबाट वार्षिक चार हजार सात सय क्विन्टलसम्म चामल बिक्री हुने गरेको उनले जानकारी दिए । कम्पनीको सिर्दिबास डिपोमा सोना मनसुली चामल प्रतिकिलो रु ५० र जिरामसिनो चामल प्रतिकिलो रु ६२ मा बिक्री हुँदै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअवैध ठहरियो एनसेलको कारोबार, शेयर बिक्री प्रक्रिया अस्वीकृति
बैशाख १४, २०८१ शुक्रबार
धनकुटाको पहिचान तथा कोसेली नरिवल बिस्कुट
बैशाख १२, २०८१ बुधबार
त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी
बैशाख १२, २०८१ बुधबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
गृहमन्त्री लामिछानेविरुद्ध दिएको रिट सर्वोच्चले दर्ता गरेन
बैशाख १४, २०८१ शुक्रबार
भोलिदेखि जिल्ला लिग फुटबलको तेस्रो संस्करण हुँदै
बैशाख १४, २०८१ शुक्रबार
पुलिस क्लब राष्ट्रिय भलिबल प्रतियोगिताको फाइनलमा
बैशाख १४, २०८१ शुक्रबार
चितुवाको आक्रमणमा परी युवक घाइते
बैशाख १४, २०८१ शुक्रबार
मर्स्याङ्दी जलाशयमा मोटरबोट चढ्ने आकर्षण
बैशाख १४, २०८१ शुक्रबार