कुर्सी र पदको मोहमा डुबेर देशलाई हेलाँ गर्नेलाई जनताले बाँकी राख्ने छैनन् : पूर्वराजा शाह

७ पुष, काठमाडौं । पूर्वराजा ज्ञानेन्द्र शाहले जनताको मतको कदर नगर्ने नेताबाट केही पनि आशा गर्न नसकिने बताएका छन् । सामाजिक सञ्जाल ट्वीटरमा एक विचार लेख्दै पूर्वराजा शाहले कुर्सी र पदको मोहमा डुबेर देशलाई हेलाँ गर्नेहरू बेलैमा सचेत नभए जनताले बाँकी राख्ने छैनन् समेत भनेका छन् ।

उनले सामाजिक सञ्जाल ट्वीटरमा लेखेको विचार यस्तो छ, “जनताको मतको कदर नगर्ने नेताबाट केही पनि आशा गर्न सकिंदैन । कुर्सी र पदको मोहमा डुबेर देशलाई हेलाँ गर्नेहरू बेलैमा सचेत नभए जनताले बाँकी राख्ने छैनन् ।”

जनताको मतको कदर नगर्ने नेताबाट केही पनि आशा गर्न सकिंदैन । कुर्सी र पदको मोहमा डुबेर देशलाई हेलाँ गर्नेहरू बेलैमा सचेत नभए जनताले बाँकी राख्ने छैनन् ।

— G. Shah (ज्ञानेन्द्र शाह) (@GBBShah) December 21, 2020

संसद विघटन गरेपछि प्रधानमन्त्री केपी ओलीको चारैतिरबाट आलोचना र विरोध भैइरहेको छ । देशैभर लोकतन्त्रको हरण र संविधानको धज्जी उडाएको भन्दै युवा अभियान्ताहरुले प्रदर्शन गरिरहेका छन् ।