अविश्वास प्रस्ताव दर्ता गर्नेलाई मुख्यमन्त्रीको कारवाही

१४ पुष, काठमाडौं । बाग्मती प्रदेशका मुख्यमन्त्री डोरमणि पौडेलले आफूविरुद्ध अविश्वास प्रस्ताव दर्ता गर्ने मन्त्री तथा सांसद शालिकराम जम्कट्टेल र वुद्धिमान माझीलाई कारवाही गरेका छन् ।

जमरकट्टेल प्रदेश संसदीय दलको उपनेता हुन् भने माझी सचेतक हुन् । जम्कट्टेल आन्तरिक मामिला मन्त्री समेत थिए । प्रदेश सरकाविरुद्ध अविश्वास प्रस्ताव दर्ता गराउन भूमिका खेलेको भन्दै मुख्यमन्त्री पौडेलले उनीहरुलाई हटाएका हुन् ।

बाग्मती प्रदेशका मुख्यमन्त्री पौडेल नेपाल कम्युनिस्ट पार्टीको केपी शर्मा ओली समूहका हुन् भने जम्मकट्टेल र माझी प्रचण्‍ड–नेपाल समूहका हुन् ।

नेकपाको प्रचण्ड–नेपाल समूहले मुख्यमन्त्री पौडेलविरुद्ध प्रदेशसभामा अविश्वास प्रस्ताव दर्ता गराएको छ । केन्द्रमा नेकपा विभाजन भएप्छि त्यसको सिधा असर प्रदेशमा पनि परेको छ ।