नेपालबहस समाचार प्रभावः कामना सेवाको शेयर बेच्नेहरू हावी

६ माघ, काठमाडौं । दोस्रो बजारमा लगातार उकालो लाग्दै आएको कामना सेवा विकास बैंकको शेयर मुल्य आज घटेको छ । हिजो कारोबार समय अगावै किन्नेहरुको चाप बढेसँगै १० प्रतिशत मुल्य बढेर सकारात्मक सर्किट लागेको शेयरमा आज बेच्नेको चाप बढेको हाे ।

नेपालबहस डटकमले हिजो कामना सेवा विकास बैंकको आकर्षक नाफा : नक्कली कि नक्कली ? भन्ने शीर्षकमा बैंकको वित्तीय विवरणको सुक्ष्म विश्लेषण प्रकाशन गरेको थियो । बैंकले गैह्र बैंकिङ सम्पत्ति बिक्री गरेपश्चात मुनाफामा अत्याधिक वृद्धि देखिएपछि सोही आधारमा बैंकको शेयर किन्नेहरु बढेका थिए । तर, तत्कालिन रुपमा मुनाफा बढी देखिए  पनि बैंकको वास्तविक अवस्था भने प्रकाशित वित्तीय विवरणलाई निरन्तर धान्नसक्ने खालको छैन् ।