सर्वसाधारणले भर्न मिल्ने गरी यी दुई कम्पनीले निष्कासन गदैछन् आईपीओ ?

१२ माघ, काठमाडौं । भर्खरै मात्र नेपाल इन्फ्रास्ट्रक्चर बैंकले ८ अर्बको आईपीओ निष्कासन गरेको थियो । उक्त आईपीओमा अहिसम्मकै सबैभन्दा बढि आवेदन परेको थियो ।

बैंकले निष्कासन गरेको आईपीओमा १५ लाख बढि आवेदकले आवेदन दिएका थिए । बैंकले उक्त आईपीओ बाँडफाट तयारी भइरहेको र चाडै नै आईपवीओ बाँडफाँट गर्ने जनाएको छ ।

ठूलो संख्यामा आईपीओ खुलेका कारण सबैले पाउँने सम्भावना भएकाले यहि समयमा डिम्याट २ लाख बढिले खाता खोलेका हुन् । यतिबेला डिम्याट खाताको संख्या ३६ लाख बढि पुगेको सिडिएसले जनाएको छ । आम लगानीकर्ताले शेयरमा निकै चासो देखाउँन थालेका छन् । यहि समयमा विभिन्न कम्पनी आईपीओ निष्कासन गर्ने होडमा छन् ।

बजारमा कुन कम्पनीको आईपीओ आउँदैछ्  ?

यतिबेला आम लगानीकर्ता अब कुन कम्पनीले आईपीओ निष्कासन गदैछ भन्दै पर्खिरहेका छन् । यहि समयमा नेपाल धितोपत्र बोर्डले दुई कम्पनीलाई आईपीओ निष्कासनको लागि अनुमति दिएको छ ।

बोर्डले सिंगटी हाइड्रो कम्पनीलाई पुष २१ गते र ग्रीन लाइफ कम्पनीलाई माघ २ गते आईपीओ निष्कासनको लागि अनुमति दिएको हो ।

कहिले निष्कासन गदैछन् यी दुई कम्पनीले आईपीओ ?

ग्रीन लाइफ हाइड्रोपावर लिमिटेडले यहि माघ २३ गतेदेखि सर्वसाधारणका लागि आईपीओ निष्कासन गर्ने भएको । कम्पनीले प्रतिशेयर १०० अंकित मूल्यका १८ लाख कित्ता तथा स्थानिय बासिन्दाका लागि जारी शेयरमा बिक्री नभएको १६ लाख ८६ हजार ४०० कित्ता गरी कुल ३४ लाख ९६ हजार ४०० कित्ता साधारण शेयर निष्कासन गर्न लागेको हो ।

निष्कासन गरिने कुल शेयरमध्ये १ लाख ७४ हजार ८२० कित्ता शेयर सामूहिक लगानी कोषका लागि बाँडफाँट गरिएको छ भने ६९ हजार ९२८ कित्ता शेयर कर्मचारीहरुका लागि बाँडफाँट गरिएको छ । सर्वसाधारण लगानीकर्ताहरुले बाँकी ३२ लाख ५१ हजार ६५२ कित्ताका लागि आवेदन दिन सक्नेछन् ।

सो शेयर खरिदका लागि माघ २७ गतेसम्ममा आवेदन दिनुपर्नेछ । सो अवधिसम्ममा पूर्ण आवेदन नपरेमा फागुन ७ गतेसम्म म्याद थप गरिनेछ ।

आईपीओमा लगानीकर्ताले न्यूनतम १० कित्तादेखि अधिकतम १ लाख कित्तासम्म आवेदन दिन सक्नेछन् । आईपीओ निष्कासनका लागि गराएको रेटिङ्गमा कम्पनीलाई केयर रेटिङ्ग नेपालले केयर एनपी बी प्लस (आइएस) रेटिङ्ग प्रदान गरेको छ। यसले वित्तयि दायित्व पूरा गर्न उच्च जोखिममा रहेको आधार जनाउँदछ । कम्पनीको धितोपत्र निष्काशन तथा बिक्री प्रबन्धक बिओके क्यापिटल लिमिटेड रहेको छ।

सिंगटी हाइड्रो पावरले यतिबेलो पहिलो चरणमा आयोजना पूभावित स्थानियको लागि आईपीओ खुल्ला गरेको छ । कम्पनीले निष्कासन गरेको उक्त आईपीओ बिक्री पश्चात कम्पनीले दोस्रोचरयामा सर्वसाधारणको लागि आईपीओ निष्कासन गर्नेछ ।

कम्पनीको आईपीओ बिक्री प्रबन्धका अनुसार यो महिना भित्र सर्वसाधारणको कम्पनीको आईपीओ निष्कासन तयारी भइरहेको छ । ‘कम्पनीले पहिलो चरणमा आयोजना प्रभावितको लागि माघ ४ गतेबाट आईपीओ बिक्री खुल्ला गरेको छौं । क्यापिटलले भन्यो, ‘पहिलो चरणको आईपीओ बाँडफाँट गरेपश्चात सर्वसाधारणको लागि दोस्रो चरणमा आईपीओ निष्कासन गर्ने योजना छ ।’

कम्पनीले सर्वसाधारणको लागि एक सय रुपैयाँ अंकित दरमा २९ करोड बराबरको २९ लाख कित्ता बिक्री गर्ने क्यापिटलले जनाएको छ।

सार्वजनिक निष्काशन गर्नका लागि गराइएको क्रेडिट रेटिङ्गमा केयर रेटिङ्ग नेपालले कम्पनीलाई केयर एनपी डबल बी माइनस (आइएस) रेटिङ्ग प्रदान गरेको छ। यसले समयमा नै वित्तीय दायित्व पुरा गर्ने सम्बन्धमा मध्यम रुपमा सुरक्षित रहेको संकेत गर्दछ।