बैंक अफ काठमाण्डूको स्वामित्वमा रहेको दुई लघुवित्त शेयर बिक्रीमा, कुनको कति कित्ता ?

२७ माघ, काठमाडौं । बैंक अफ काठमाण्डू लिमिटेडले आफ्नो स्वामित्वमा रहेको २ लघुवित्तको शेयर लिलाम बढाबढ गरी बिक्री खुल्ला गरेको छ ।

बैंकले आरएमडिसी लघुवित्त वित्तिय संस्था लिमिटेडको एक लाख ५० हजार कित्ता र छिमेक लघुवित्त वित्तिय संस्था लिमिटेडको ७ लाख कित्ता संस्थापक समूहको शेयरहरू लिलाम बढाबढ गरी बिक्री गर्न लागेको हो ।

लगानीकर्ताले आज (माघ २७ गते, मंगलबार) बाट चैत्र ३ गतेसम्म बोलपत्र पेश गर्नुपर्नेछ । उक्त शेयर गर्न लगानीकर्ताले न्युनतम एक सय कित्ता र अधिकतममा सम्पूर्ण कित्ताको लागि आवेदन दिन सक्नेछन् । कम्पनीको निष्कासन तथा बिक्री प्रबन्धक बिओके क्यापिटल मार्केट लिमिटेड रहेको छ ।

लगानीकर्ताहरुले बिओके क्यापिटल लिमिटेड, कमलादी, काठमाडौं तथा बैंक अफ काठमाडौं लिमिटेडको विभिन्न शाखाबाट आवेदन दिन सक्नेछन् ।

बैंकले प्रकाशन गरेको सूचना यस प्रकारको छः