स्याटेलाइट सिटीको डीपीआर तयार, छ वर्षमा सम्पन्न हुने

२७ माघ, काठमाडौं । काठमाडौं उपत्यका विकास प्राधिकरणले उपत्यकाका भित्र बनाउने भनिएको स्याटेलाइट सिटीको विस्तृत परियोजना प्रतिवेदन (डीपीआर) तयार गरेको छ । प्राधिकरणले उक्त परियोजनाको डीपीआर तयार गरी मन्त्री परिषदमा पेश गरेको जनाएको हो ।

२०७४ साल बैशाख २५ गते मन्त्रिपरिषदले स्याटेलाइट सिटीकाे काम अघि बढाउन स्वीकृति दिएको थियो ।प्राधिकरणले २०७४ साल असार ६ गते राजपत्रमा प्रकाशित भइसकेपछि ३ वर्षभित्रमा डिपीआर तयारी गरेको हो ।

प्राधिकरणको उक्त योजनाअनुसार  शहर निर्माण कार्य सम्पन्न हुनको लागि ३ खर्ब ५० अर्ब रुपैयाँभन्दा बढी खर्च लाग्ने अनुमान गरेको छ ।

तर, उक्त परियोजनाको लागि चालु आवमा २ करोड ५० लाख रुपैयाँमात्रै छुट्टयाएको बताए । उक्त छुट्टाइएको रकममा यो वर्ष प्रस्तावित एउटा शहरले १ करोड र बाँकी ३ वटा शहरले ५०/५० लाख बजेट पाएका छन् ।

प्रस्तावितमध्ये सबैभन्दा ठूलो शहर इसानले १ करोड रुपैयाँ बजेट पाएको छ । आग्नेय, नैऋत्य र उत्तर शहरले ५०/५० लाख बजेट पाएको छ ।सरकारले स्याटलाइट शहरलाई उपत्यकाकै पहिलोपटक व्यवस्थित शहरीकरणको रुपमा अगाडि बढाइने जनाएको छ ।

प्राधिकरणले बनाएको प्रस्तावित योजनाको हालसम्म कुनै निर्णय आएको छैन । तर, मन्त्रीपरिषदबाट प्रस्तावित प्रतिवेदन पास भएमा लगभग ५/६ वर्षमा सम्पन्न हुने सक्ने प्राधिकरणले अनुमान गरेको छ । त्यसमा पनि सरकारले भनेकै समयमा पूँजी उपलब्ध भएमा उक्त समय अवधिमा सम्पन्न हुन सक्ने प्राधिकरण्को भनाई छ ।