मिस्टर ओली तपाईंको खुट्टी देखेरै पत्यायौँ : खनाल

२८ माघ, काठमाडौं । नेकपा प्रचण्ड–माधव समूहका वरिष्ठ नेता झलनाथ खनालले ओलीले चुनाव गराउँछु भन्नु ‘खुट्टी हेरेरै पत्याइयो’ भन्दै ब्यङ्ग्य गरेका छन् । प्रतिनिधिसभा विघटनको विरोधमा बुधबार काठमाडौंमा आयोजित जनसभालाई सम्बोधन गर्दै खनालले एउटा कथाको शिलशिलालाई जोडेर यस्तो धारणा राखेका हुन ।

खनालले भनेका छन्,“मिस्टर केपी ओली तपाईंको खुट्टी देखेरै पत्यायौँ, दुईवर्षपछि चुनाव हुन्छ, त्यो चुनावमा केपी ओलीको जमानत जफत हुन्छ,”। आगामी दुईवर्षपछि हुने चुनावमा केपी शर्मा ओलीको जमानत जफत हुने उनले बताएका छन् ।

त्यस्तै उनले सरकार विरुद्धमा संयुक्त आन्दोलनमा आउन दलहरुलाई आह्वान समेत गरेका छन् । पुस ५ मा प्रतिक्रान्ति भएकाले त्यसविरुद्ध आन्दोलन भइरहेको भन्दै खनालले कांग्रेस, जनता समानवादी पार्टीलगायतका दलहरुलाई आग्रह गरेका हुन । उनले् भनेका छन् , आउनुस्, संयुक्त आन्दोलन गरौं । यो नेकपाको मात्र आन्दोलन होइन, “जनताको संयुक्त आन्दोलन हो । यसमा सामेल हुनुस्”।