नेशनल हाइड्रोपावर कम्पनीको मुनाफा २० प्रतिशतले घट्यो

७ फागुन, काठमाडौं । नेशनल हाइड्रोपावर कम्पनीले चालू आवको दोस्रो त्रैमासीक वित्तीय विवरण सार्वजनिक गरेको छ ।

उक्त वित्तीय विवरण अनुसार कम्पनीको मुनाफा २० प्रतिशतले घटेको छ । दोस्रो त्रैमाससम्ममा कम्पनीले १ करोड ४० लाख मुनाफा गरेको छ । अधिल्लो वर्ष कम्पनीले १ करोड ७७ लाख मुनाफा गरेको थियो ।

चालू आवको दोस्रो त्रैमासमा कम्पनीको विद्युत् विक्री आम्दानीमा कमि आएकाले मुनाफा घटेको देखिएको छ ।

त्यसैगरी चालू आवको दोस्रो त्रैमासमा कम्पनीको प्रतिशेयर आम्दानी २ शदमलव ७७ वार्षिकीकरण, मूल्य आम्दानी अनुपात ४१ दशमलव ८६ र प्रतिशेयर नेटवर्थ  ७६ दशमलव ५७ पुगेको छ ।