सोमबार , फागुण १७, २०७७

प्रधानमन्त्रीले नै धम्कीको भाषा प्रयोग गर्ने ? कांग्रेस नेता डा. कोइराला

प्रधानमन्त्रीले नै धम्कीको भाषा प्रयोग गर्ने ? कांग्रेस नेता डा. कोइराला

९ फागुन,  विराटनगर । नेपाली कांग्रेस प्रभावशाली नेता डा. शेखर कोइरालाले सामाजिक सञ्जाल व्यवस्थापन निर्देशिका ल्याएर सरकारले अभिव्यक्ति स्वतन्त्रतामा लगाम लगाउन खोजेको बताएका छन् । यो निर्देशिका अधिनायकवादको परिणतिको रुपमा आएको उनको निष्कर्ष छ ।

नेपाली कांग्रेस मोरङको सुन्दरहरैंचा ४ वडा कार्यसमितिले आयोजना गरेको पार्टी प्रवेश कार्यक्रमलाई सम्बोधन गर्दै कांग्रेस नेता कोइरालाले उक्त बुरा बताएका हुन् । संसद पुनर्स्थापनाको विकल्प नभएको बताउँदै डा. कोइरालाले प्रतिनिधिसभा बिघटनको मुद्दा हेरिरहेको सर्वोच्च अदालतलाई प्रधानमन्त्री केपी शर्मा ओलीले धम्कीको भाषा प्रयोग गर्नु गलत भएको बताए ।

Kumari Bank 300x290 new
Global IME Bank new
Nepal Life Insurance

नेपाली कांग्रेसका नेता डा. शेखर कोइरालाले कार्यपालिकाले न्यायपालिकालाई धम्क्याउन थालेको भन्दै प्रधानमन्त्री केपी ओलीमा निरंकुशता हावी भएको दावी गरेका छन् । पार्टी प्रवेश कार्यक्रमका लागि आज सुन्दरहरैंचामा आयोजित एक कार्यक्रममा बोल्दै नेता डा. कोइरालाले भने–न्यायालयलाई धम्क्याउने शैली र प्रवृत्ति गलत हो, हामीले समेत यसको प्रतिकार गर्नुपर्छ ।

नेपाली कांग्रेसको नेतृत्वमा आएको नेपालको संविधान २०७२ को संरक्षण गर्ने मूल जिम्मेवारीसमेत कांग्रेसकै रहेकाेले ओलीको गलत कामको भण्डाफोर गर्न उनले आह्वान गरे । ओलीले प्रतिनिधिसभा विघटन गरेर लोकतन्त्र र संविधानकै हत्या गर्न खोजेकाले न्यायप्रेमी जनताका लागि अस्वीकार्य रहेको भन्दै उनले ओली प्रवृत्ति परास्त गर्न सबै सचेत र सजग हुनुपर्ने नेता डा.कोइरालाले बताए ।

प्रधानमन्त्री ओली विधि नमान्ने प्रवृत्तिका मानिस हुन् , अस्ती निर्वाचन आयोगलाई धम्याएर सूर्य चिह्न आफूले पाउनुपर्ने भन्दै थिए, हिजो विराटनगर आएर सर्वाेच्च अदालतलाई आफ्नो निर्णय नमाने विरोधमा आन्दोलन गर्ने भनी त्रसित बनाउन खोजेका छन् – नेता कोइरालाले भने ।

shekhar dr

संविधानका विज्ञ र मर्मज्ञ भन्छन्– विघटन गर्ने अधिकार कुनैपनि धारामा उल्लेख छैन, तर ओली भने आफ्नो निर्णय उल्टाइयो भने आन्दोलन गर्छु भन्दैछन्, यो भन्दा ठूलो बिडम्बना के होला ? डा. कोइरालाको प्रश्न छ ।

तीन करोड नेपाली अहिले सर्वाेच्च अदालतको निर्णय कुरेर बसेका छन्, संविधानको अक्षर र भावना विपरीत निर्णय आउनेवाला छैन , ढुक्क हौं संसद पुनस्थापना भएर लोकतन्त्र पुन ट्रयाकमा आउनेछ– डा. कोइरालाले भने ।

डा. कोइरालाले शक्तिशाली प्रधानमन्त्री कमजोर भएकोले साइबर सेनाको सहारा लिन लागेको बताए । राष्ट्रपति र प्रधानमन्त्रीलाई केही भनेमा घरमै प्रहरी आउने कानुन निर्माणमा सरकार लागेको आरोप लगाउँदै कोइरालाले बोल्न पाउने अधिकार समाप्त पार्ने खेलमा सरकार लागेको दावी गरेका छन् । आफूले थर्काएर नपुगेर साइबर सेनाको सहाराले नागरिकहरुलाई डराउने ,धम्क्याउने, तर्साउने काममा सरकार आफै लागेको कोइरालाको आरोप छ ।

nc morang 2

उक्त पार्टी प्रवेश कार्यक्रममा नेकपा माओवादी (बिप्लव समुह) का केन्द्रीय सदस्य थानेश्वर दाहाल र पुर्वएमाले मोरङका सदस्य थानेश्वर भट्टराई लगायत २७६ लाई शेखर कोइरालाले रातो टिका लगाएर कांग्रेसमा प्रवेश गराएका छन् ।

dr shekhar koirala

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय