प्रचण्ड र नेपाल पक्ष गोप्य भेटघाटमा, भेटपछि एमाले नेताहरु पुगे भैंसेपाटी

१ चैत, काठमाडौं ।  नेकपा माओवादी केन्द्रका अध्यक्ष पुष्प कमल दाहाल ‘प्रचण्ड’ र एमाले नेताहरु माधव कुमार नेपाल र झलनाथ खनाल बीच भावी रणनीतिका सम्वन्धमा छलफल भएको छ । नेकपाको बैधानिकता ऋषि राम कट्टेलले पाएपछि प्रचण्ड माधवकुमार नेपाल बीच भेटघाट केही पातलिएको बेला आज पहिलोपटक पुर्व माओवादी पत्रकार चन्द्रलाल श्रेष्ठ निवासमा दुइ दलका नेताबीच करीव डेढघण्टा  संवाद भएको हो ।

नेताहरुबीचमा सत्ता समीकरणको संभावना र भावि रणनीतिको बारे छलफल भएको स्रोतको दावी छ । ओलीको निर्णय विरुद्ध माधव कुमार नेपाल समुह निर्वाचन आयोगमा जानु र माओवादी केन्द्रको नाम परिवर्तनको चर्चा चलिरहँदा दुई दलका नेताहरु बीच भएको भेटलाई अर्थपूर्ण रुपमा हेरीएको छ ।

दुई दलका नेताबीच  भेटघाट भए लगत्तै बामदेव गौतमलाई भेटन झलनाथ खनाल र माधवकुमार नेपाल गौतमको निवास भसेपाटीमा पुगेका थिए ।  सर्वोच्च अदालतले नेकपा खारेज गरेपछि एमाले र माओवादी केन्द्र पूर्ववत अवस्थामा फर्किएका छन्।