पौडेल निवासमा नेताहरुको जमघट सुरू

८ चैत, काठमाडौं । नेपाली कांग्रेसका वरिष्ठ नेता रामचन्द्र पौडेल ओली सरकारको विकल्प खोज्ने अभियान थालेका छन् । प्रमुख प्रतिपक्षी दलका नेता भएर पनि कांग्रेस सभापति शेरबहादुर देउवाले प्रधानमन्त्री केपी ओलीको विकल्प खोज्न पहल नगरेकोमा आक्रोश व्यक्त गरेका छन् ।

सभापति देउवालाई प्रतिपक्षी दलहरुसँग सहकार्य गरेर ओली सरकार विस्थापित गर्न आफूले धेरै पटक आह्वान गर्दासमेत वेवास्ता गरेको उनको आरोप छ । नेता पौडेलले पछिल्लो राजनीतिक परिस्थितिबारे छलफल गर्न आफू निकट नेताहरुलाई बोहराटारस्थित निवासमा डाकेका छन् ।

ओलीको विकल्पमा कांग्रेस नेतृत्वको सरकार बनाउनुपर्ने पक्षमा खुलेका पौडेलको सुनुवाई नभएकाले निकट नेताहरुमार्फत देउवालाई दबाब दिन भेलाको आयोजना गरिएको हो ।

भेला जारी छ । बैठकमा महामन्त्री डा. शशांक कोइराला,पूर्व महामन्त्री प्रकाशमान सिंह, अर्जुननरसिंह केसी , डा. रामशरण महत,सीतादेवी यादव, डा. मिनेन्द्र रिजाललगायत सहभागी छन् ।