दमक अस्पतालबाट नाक, कान, घाँटीको शल्यक्रिया शुरु

१३ चैत, काठमाडौं । लामो प्रतिक्षापछि दमकबासिको आवश्यकता र चाहना पुराभएको छ । हालसम्म दमकमा नाक, कान, घाँटीको उपयुक्त र भरपर्दो शल्यक्रियाका कुनै पनि सेवा उपलब्ध थिएनन् । जसका कारण दमकबासीहरु नाक, कान, घाँटीको सामान्य उपचार गराउन पनि धरानको घोपाक्याम्प वा विराटनगर जानुपर्ने आवश्यकता थियो । जसमा दमकबासी नागरिकको समय र पैसा दुवै खर्च हुने गरेको थियो ।

दमकबासी लगायत आसपासका नागरिकका लागि अब दमक अस्पतालले सुविधा सम्पन्न उपकरणसहितको विशेषज्ञ डाक्टरको व्यवस्थापन सहितको सत्यक्रिया सञ्चालनमा ल्याएको छ । यसले दमकबासीको मुहारमा खुसी ल्याउने काममात्रै गरेको छैन दमकबासीको मनसमेत जितेको छ।

विगतमा सञ्चालन भैरहेका स्वास्थ्यसेवाहरु समेत अत्यन्तै प्रभावकारी रुपमा अघि बढिरहेको अवस्थामा विगत महिनादेखि नाक, कान, घाँटीको सल्यक्रिया सहितको सेवासमेत सञ्चालनमा ल्यउन सफलता मिलेको दमक अस्पतालकी सुचना अधिकारी तथा एनेस्थोसिया असिस्टेन्ट देवि दङ्गालले नेपालबहस डटकमलाई बताएकी छिन । दमक अस्पतालमा पहिलो पटक Tonsillectomy (टन्सिलअप्रेसन) सफलतापुर्बक सम्पन्न गर्न सकिएकोमा सिङ्गो दमक अस्पताल टिम अहिले अत्यन्तै खुसी देखिएको छ ।

पाकिस्तानबाट पाकिस्तान सरकारको छात्रवृत्ति कार्यक्रम अन्तर्गत एम. बि.वि.एस गरेका साथै पुर्वाञ्चलकै सुविधासम्पन्न धरान स्थित घोपाक्याम्पबाट नेपाल सरकारकै छात्रवृत्तिमा नाक, कान, घाँटीमा एम।एस। गरेका डा. अरुण सापकोटा दमक अस्पतालमै कार्यरत छन् । उनै डा. सापकोटाको अथक प्रयासबाट शुरुगरिएको विशेषज्ञ सेवा लिन अहिले दैनिक सयौंको सङ्ख्यामा नाक, कान, घाँटीको समस्या भएका विरामीहरु उपचार गराउन थालेको सुचना अधिकारी देवि दङ्गाल बताउँछन् । दमक अस्पतालका मेडिकल सुपरिटेन्डेन्ट खड्ग लिम्वुको हौसलापुर्ण साथ र उत्प्रेरणाले यो सेवा यति छिट्टै दमक अस्पतालले सञ्चालनमा ल्याउन सकेको नाक, कान,घाँटीका वरिष्ट डा. अरुण सापकोटाको ठम्याइँ रहेको छ ।

नेपाल सरकारको पुर्णस्वामित्व भएको दमक अस्पतालबाट उक्त सेवा प्रदान हुनथालेपछि अब कुनै पनि व्यक्ति गरिब, विपन्न र आर्थिक अभावका कारण उपचार गर्नबाट वञ्चित हुन नपर्ने वातावरण मिलाईएको सुचना अधिकारी दंङ्गालको भनाई रहेको छ । सबैको साथ र सहयोग पुग्ने हो भने दमक अस्पतालबाट आगामी दिनमा अझबढी सेवाहरु थप गर्दै जान सकिने कुरामा अस्पताल श्रोत विश्वस्त रहेको छ।

दमक नगरपालिकाकी उपप्रमुख गिता अधिकारीको प्रत्यक्ष अनुगमन, सहयोग र समन्वयकारी भुमिकाका कारण पनि दमक अस्पतालले छोटो समयमै धेरै उपलब्धिपुर्ण सेवाहरु प्रदान गर्न सकेको आम दमकबासीहरुको बुझाई रहेको छ ।