अमेरिकामा अन्धाधुन्ध गोली चल्दा एक बालकसहित चारको मृत्यु

१९ चैत, एजेन्सी ।  अमेरिकाको क्यालिफोर्नियामा अन्धाधुन्ध गोली चल्दा चारजनाको मृत्यु भएको छ । क्यालिफोर्नियास्थित अरेन्ज शहरमा अन्धाधुन्ध गोली चल्दा दुई घाइते घाइते भएका छन् ।

बीबीसीका अनुसार शहरको एक कार्यालय भवनमा उक्त आक्रमण भएको हो । मृत्यु हुनेमा एक बालक पनि छन् । यो घटनामा आरोपीसहित थप दुईजना घाइते भएको प्रहरीले बताएको छ ।

योसँगै अमेरिकामा एक महिनाभित्र भएको यो तेस्रो गोली आक्रमण हो । बिहीबारको अन्धाधुन्ध गोली आक्रमणको उद्देश्य भने स्पष्ट हुन नसकेको प्रहरीले जनाएको छ । प्रहरीले आरोपी नियन्त्रणमा आइसकेकाले अब कुनै जोखिम नरहेको बताएको छ ।

गत मार्च १६ मा अमेरिकाको जर्जियामा भएको अन्धाधुन्ध गोली आक्रमणमा परी आठजनाको मृत्यु भएको थियो । यस्तै मार्च २२ मा कोलोराडोमा पनि अन्धाधुन्ध गोली आक्रमण हुँदा १० जना मारिएका थिए ।