बागमती प्रदेश कमिटी घोषणाको तयारीमा खनाल- नेपालपक्ष 

२४ चैत, काठमाडौं । नेकपा एमालेको झलनाथ खनाल–माधव नेपाल पक्षले आज बागमती प्रदेशको समानान्तर कमिटी घोषणा गर्ने तयारी गरेको छ । केन्द्रदेखि वडा तहसम्म समानान्तर कमिटी गठन प्रक्रिया सुरु गरेको खनाल नेपाल पक्षले दिउसो १२ बजे प्रदेशको समानान्तर कमिटी घोषणा गर्न लागेको हो ।

त्यस अघि बल्खुको एक पार्टी प्यालेसमा खनाल नेपाल पक्षकी प्रदेश स्थायी समितिको बैठक बोलाइएको छ । सर्वोच्च अदालतले नेकपा विभाजन गर्ने फैसला गरेसँगै एमालेमा केपी शर्मा ओली र झलनाथ खनाल माधव नेपाल पक्षले समानान्तर ढंगले गतिविधि गर्दै आएका छन् ।

अध्यक्ष केपी ओलीको कार्यशैलीप्रति चर्को असन्तुष्टि जनाएको खनाल नेपाल पक्षले यसअघि नै पार्टी सुदृढिकरण अभियान अन्तरगत तीन महिने कार्यक्रम घोषणा गरिसकेको छ