पत्रकारले पाए कोरोना बीमाबापतको रकम

१ वैशाख,मकवानपुर । मकवानपुर जिल्लामा क्रियाशील रही यस अगावै कोरोना सङ्क्रमित भएका सात पत्रकारले कोरोना बीमाबापतको रकम पाएका छन् । नयाँवर्ष २०७८का अवसरमा नेपाल पत्रकार महासंघ मकवानपुर शाखाद्वारा आज आयोजित शुभकामना आदानप्रदान कार्यक्रममार्फत कोरोना बीमाबापतको रु एक लाख उनीहरुलाई हस्तान्तरण गरिएको हो ।

सो रकम पाउनेमा पत्रकार महासंघ मकवानपुरका निवर्तमान अध्यक्ष हरि हुमागाई, सचिव गणेश दर्पण अधिकारी, महासंघ पूर्वसदस्य सुजन विडारी, केन्द्रीय पार्षद राजन दाहाल ९खुशराज०, महासंघ सदस्य जीवराज बख्रेल, अनिष लुइँटेल र सहनशीला ढकाल छन् । उनीहरु अघिल्लो वर्ष कोरोना सङ्क्रमित भएका थिए ।

यसै क्रममा महासंघ मकवानपुरका केन्द्रीय पार्षद राजन दाहाल (खुशराज) ले कोरोना बीमाबापत पाएको रकमबाट रु १० हजार पत्रकार पेन्सन कोषमा सहयोग गरेका छन् । साथै महासंघ मकवानपुरले नयाँवर्षको अवसरमा शुभकामना आदानप्रदान तथा चियापान कार्यक्रमको आयोजन गरेको छ ।