वैशाख ६ र ७ गते दुई दिन भिटामिन ए तथा जुकाको औषधि खुवाइने

२ बैंशाख, काठमाडौं । स्वास्थ्य तथा जनसंख्या मन्त्रालयले यही हप्ता बालबालिकालाई भिटामिन ए क्याप्सुल खुवाउने कार्यक्रम तय गरेको छ ।  मन्त्रालयले एक सूचना जारी गर्दै वैशाख ६ र ७ गते दुई दिन  भिटामिन ए क्याप्सुल तथा जुकाको औषधि खुवाउने बताएको हो ।

कोरोना भाइरसको जोखिम कायम रहेकै अवस्थामा स्वास्थ्य सुरक्षाका मापदण्ड पालना गरी कार्यक्रम सन्चालन गर्न शुरक्षाको उपाय अपनाउनु हुन समेत मन्त्रालयले आग्रह गरेको छ ।भिटामिन ए वितरण केन्द्रमा जाँदा भिडभाड नगर्न, एक ब्यक्ति र अर्को ब्यक्ति बीचको दुरी कम्तीमा दुई मिटर कायम गर्न, आफ्नो बालबालिका सुरक्षाका लागि अनिवार्य सहि तरिकाले मास्क लगाउन अनुरोध गरिएको छ।कार्यक्रममा १२ देखि ५९ महिना सम्मका बालबालिकालाई लक्षित गरिएको छ।

कोरोना महामारीका कारण गत वर्ष कोरोनाका कारण गरिएको लकडाउनले भिटामिन ए खुवाउने तथा अन्य खोप कार्यक्रम समेत प्रभावित भएको थियो।