आज थपिए १७३६ काेराेना संक्रमित, ११ जनाको मृत्यु

७ वैशाख, काठमाडौं ।  विगत तीनदेखि कोरोना संक्रमणको दर तीव्र रुपमा बढिरहेको छ।  मंगलबार थप १७३६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८०५५ पीसीआर परीक्षणमा १६६७ र ६८३ एन्टिजेन परीक्षणमा ६९ गरी १७३६ जनामा संक्रमण पुष्टि भएको हो ।

त्यस्तै पछिल्लो २४ घण्टामा कोरोना भाइरस संक्रमणका कारण थप ११ जनाको मृत्यु भएको छ । याेसँगै काेराेनाबाट मृत्यु हुनेको संख्या तीन हजार १०२ पुगेको छ।

यस्तै स्वास्थ्य तथा जनसंख्या मन्त्रालयका अनुसार आज २५१ जना कोरोना भाइरस संक्रमणमुक्त भएर घर फर्केका छन् । हालसम्म कोरोना संक्रमितको कुल संख्या २ लाख ८७ हजार ५६७ पुगेको छ।