दुई कम्पनीको शेयरमूल्य १० प्रतिशतले वृद्धि, प्रतिशेयरमूल्य कति ?

९ बैशाख, काठमाडौं । बिहीबार नेप्सेमा दुई कक्पाीको शेयरमूल्य १० प्रतिशतले बढेको छ । यो दिन नेप्सेमा बिशाल बजार कम्पनी र सिन्धु विकाश बैंकको शेयरमूल्य १० प्रतिशतले बढेको हो ।

बिहीवार बिशाल बजार कम्पनीको शेयर मूल्य १० प्रतिशतले बढेर प्रतिकित्ता ३ हजार १६५ पुगेको हो । कम्पनीको शेयरमा विक्रेताभन्दा क्रेता धेरै भएकाले शेयर मूल्य बढेको हो ।

त्यस्तै, सिन्धु विकास बैंकको शेयर १० प्रतिशतले बढेर प्रतिकित्ता २८६ पुगेको छ । आज दुई वटै कम्पनीको शेयरमा विक्रेताभन्दा क्रेता धेरै भएकाले शेयर मूल्य बढेको हो । बिशाल बजारको शेयर मूल्य तीन महीनापछि दोस्रो बजारमा शेयर कारोबारमा आएको छ ।

कुनै पनि वार्षिक प्रतिवेदन र वित्तीय विवरणहरु उपलब्ध नगराएका कारण नेप्सेले गत माघ १८ गतेदेखि उक्त कम्पनीको शेयर कारोबार रोक्का गरेको थियो ।

कम्पनीले आव २०७३/ ७४,०७४/७५,०७५/७६,०७६/७७ सम्मको लेखापरिक्षण हुन बाँकी र आव २०७७/७८ को पुस मसानत सम्मको वित्तीय विवरणहरु र अन्य अपरिष्किृत त्रैमासिक तथा अर्धवार्षिक वित्तीय विवरणहरु नेप्सेको कम्पनी लगइनबाट नेप्सेको वेबसाइटमा लगानीकर्ता र सरोकारवाला निकायहरुले अध्ययन गर्न सक्ने गरी वित्तीय विवरणहरु अपलोड गरेको छ ।

साथै कम्पनीले लेखापरिक्षण प्रतिवेदन प्राप्त भई सञ्चालक समितिको निर्णय भए पछि यथाशिघ्र साधारण सभा सम्पन्न गर्ने पनि बताएको छ । नेप्सेले कम्पनीले सचेत गराउँदै कम्पनीको रोक्का रहेको धितोपत्र बिहीवारदेखि नै कारोबार हुने गरी फुकवा गरेको हो ।