काठमाडौंको शहरी सुन्दरता अभिवृद्धिका लागि वृहत्तर गुरुयोजना !

११ बैशाख, काठमाडौं । काठमाडौं उपत्यकामा रहेका सांस्कृतिक सम्पदाको संरक्षण र शहरी सुन्दरता अभिवृद्धिका लागि सरकारले वृहत्तर  गुरु योजना सार्वजनिक गर्ने भएको छ ।  विहान ११ बजे धरहराको उद्घाटनसँगै प्रधानमन्त्री केपी शर्मा ओलीले काठमाडौं शहरलाई थप सुन्दर र पर्यटकीय शहरको रुपमा विकास गर्न वृहत्तर गुरु योजना सार्वजनिक गर्ने कार्यक्रम रहेको छ ।

सुन्दर काठमाडौं शहरको गुरुयोजनामा रानीपोखरी, खुलामंच, टुँडीखेल, रत्नपार्क, सुनधारा,  बसन्तपुर लगायतका स्थलहरुलाई एकिकृत रुपमा पर्यटकिय हव वनाउने र उपत्यकामा रहेका सांस्कृतिक एवम् एैतिहासिक सम्पदाको संरक्षण गर्दै थप पर्यटक मैत्री संरचनाहरुको निर्माण गरिने राष्ट्रिय पुनर्निमार्ण प्राधिकरणका प्रमुख कार्यकारी अधिकृत शुशिल ज्ञवालीले जानकारी दिएका छन् । प्रधानमन्त्री ओलीले आजै  सो परियोजनाको सिलन्यास गर्ने कार्यक्रम रहेको ज्ञावलीले बताए ।