अक्षय र ट्विंकलले गरे अक्सिजन सहयोग

काठमाडौं । कोरोनाको दोस्रो लहर फैलिएसंगै भारतमा संक्रमितको संख्या दिनदिनै बढिरहेको छ । दैनिक तीन लाखभन्दा बढी संक्रमित थपिइरहेका छन् ।

अहिले भारतको अस्पतालहरुमा बेड, अक्सिजन सिलिन्डर र औषधिजस्ता अत्यावश्यक कुराको हाहाकार देखिएको छ । यस्तो संकटमा अहिले विभिन्न व्यक्तिहरुले सहयोग गरिरहेका छन् ।

यसैक्रममा बलिउड अभिनेता अक्षय कुमार र लेखक तथा अभिनेत्री ट्विंकल खन्नाले सय वटा अक्सिजन कन्सन्ट्रेटर्स सहयोग गर्ने भएका छन् । मंगलबार ट्विंकलले सामाजिक सञ्जालमा लेखेकी छन्, ुएकदमै सुखद खबर( लन्डनका एलिट हेल्थ दैविक फाउन्डेसनका दुई जना डाक्टरले १२० वटा अक्सिजन कन्सन्ट्रेटर्स प्रदान गर्ने भएका छन्। यसमा अक्षय कुमार र मैले थप सय वटा अक्सिजन कन्सन्ट्रेटर्स थपेर सहायताको हात बढाउने निर्णय लिएका छौं। यसपछि हामीसँग २२० अक्सिजन कन्सन्ट्रेटर्स उपलब्ध हुनेछ। तपाईंहरुको अग्रसरताका लागि धन्यवाद। हामी सबैले आफूले सकेको गरौं।

उनले सबै एकजुट हुँदा संकटसँग जुध्न सकिने र चाँडै राम्रो अवस्था पक्कै आउने आशा पनि व्यक्त गरेकी छन् । अहिले भारतमा अक्सिजनको अभावले बिरामीको उपचारमा समस्या भइरहेको समयमा अक्षय र ट्विंकलको यो कदमको सामाजिक सञ्जालमा प्रशंसा भइरहेको छ।