जोखिम कम गर्न सरकार उदासीन: देउवा

१७ बैशाख, काठमाडौं । नेपाली कांग्रेसका सभापति शेरबहादुर देउवाले जोखिम कम गर्न सरकारको असंवेनशीलता र चरम लापरबाही भएको बताएका छन् । शुक्रबार आफ्नै निवासमा आयोजित पत्रकार सम्मेलनमा देउवाले कोरोना भाइरसको जोखिम कम गर्नका लागि सरकार पूर्ण रूपमा असंवेदनशील भएको आरोप लगाएका हुन् ।

संक्रमित हुनेको संख्या दिनानुदिन बढेको भन्दै सभापति देउवाले देशका स्वास्थ्य संरचनाले धान्नै नसक्ने अवस्था आउँदा पनि सरकार उदासीन भएको उल्लेख गरे। सरकारले कोरोनाको जोखिम हुँदाहुँदै पनि अधुरा कामहरूलाई पूरा भएको भन्दै उद्धाटन गरी भिडभाड जम्मा गरेको सभापति देउवाको टिप्पणी छ।