ओली पदमुक्त: पक्षमा ९३ विपक्षमा १२५ मत

२७ बैशाख, काठमाडौं ।  प्रधानमन्त्री केपी ओलीले प्रतिनिधिसभामा आज मागेको विश्वासको मत प्राप्त नभएपछि पदमुक्त भएका छन् । विश्वासको मत प्राप्त गर्न आज बोलाइएको प्रतिनिधिसभा बैठकमा उनले केवल ९३ मत पाएका छन् ।

झण्डै दुई तिहाई मत प्राप्त गरी बलियो सरकार बनाएका ओलीको यो अवशान उनकै कार्यशैली र व्यावहारले भएको नेकपाकै एक नेताले बताए । आज भएको मतदानमा ओलीले ९३ मत पाएको घोषणा सभामुख अग्निप्रसाद सापकोटाले गरे । ओलीको विपक्षमा १२५ मत परेको थियो भने २५ मत तटस्थ रह्यो ।

ओलीले राखेको प्रस्तावको पक्षमा ९३ जना सांसदले मतदान गरेका थिए । विपक्षमा १२४ प्रमुख प्रतिपक्ष दल नेपाली कांग्रेस, नेकपा ‘माओवादी केन्द्र’, जसपाका ‘उपेन्द्र यादव-बाबुराम भट्टराई’ समूहका सांसदले मत दिएका छन् । तटस्थ १५ मत परेको सभामुखले जानकारी गराए ।

एमालेका झलनाथ खनाल-माधवकुमार नेपाल समूहका २७ सांसद अनुपस्थित रहेका छन् ।जसपाको महन्थ ठाकुर–राजेन्द्र महतो पक्षका सांसदहरु भने तटस्थ बसेका छन् ।