माधव नेपालसहित चार नेतामाथिको कारवाही फुकुवा

३० बैशाख, काठमाडौं ।  नेकपा एमालेका वरिष्ठ नेता माधवकुमार नेपालसहित चार नेतामाथिको निलम्बनको कारवाही फुकुवा गरिएको छ । प्रधानमन्त्री निवास बालुवाटारमा आज बसेको स्थायी कमिटी बैठकले नेता नेपाल सहित सुरेन्द्र पाण्डे, भीम रावल र घनश्याम भुसालमाथिको कारवाही फुकुवा गरेको हो ।

नेपाल पक्षले राजीनामाको तयारी गरिरहदा केपी ओलीले यस्तो निर्णय गरेका हुन । पार्टी एकतालाई बचाइ राख्न नेताहरुमाथि कारवाही फुकुवा गर्ने प्रस्ताव ओलीले आजको बैठकमा राखेका थिए । यस्तै बैठकमा नेताहरुले आजै शीर्ष नेता बीच संवाद गर्नुपर्ने प्रस्ताव गरेका छन् ।