७६ (५) अनुसार प्रधानमन्त्री नियुक्ति गर्न राष्ट्रपतिसमक्ष ओलीको दावी पेश
नेपालबहस संवाददाता
जेठ ७, २०७८ शुक्रबार १४:९:८
७ जेठ, काठमाडौं । संविधानको धारा ७६ (५) अनुसारको प्रधानमन्त्री नियुक्तिका लागि प्रधानमन्त्री केपी ओलीले दावी पेश गरेका छन् । जनता समाजवादी दलका नेता महन्थ ठाकुर र राजेन्द्र महतो पक्षका सांसदहरुको हस्ताक्षरसहित ओलीले बिहिबार राति नै राष्ट्रपतिसमक्ष दावी पेश गरेको खुलासा भएको छ ।
आफ्नो दलमा १२१ संसद रहेका र जसपामा राजेन्द्र महतोलाई संसदीय दलको नेता चुन्दा हस्ताक्षर गरेका २१ सांसदको समर्थन आफुलाई रहेको भन्दै १४० बढी सांसदहरुको हस्ताक्षर बुझाउदै संविधानको धारा ५ अनुसार ओलीले हिजो राति नै आफुलाई पुन प्रधानमन्त्रीमा नियुक्तिका लागि दावी पेश गरेको प्रधानमन्त्री ओलीको सचिवालय स्रोतले नेपालबहसलाई जानकारी दिएको छ । दावी पेश गर्न प्रधानमन्त्री ओली मध्यराती ११; ३० बजे जसपा नेता महन्थ ठाकुर र राजेन्द्र महतोलाई लिएर राष्ट्रपति कार्यालय शितल निवास पुगेका थिए ।
हिजो मात्र सरकारको सिफारिसमा राष्ट्रपति भण्डारीले नेपालको संविधानको धारा ७६ को उपधारा (५) बमोजिम प्रधानमन्त्री नियुक्ति गर्ने प्रयोजनका लागि मिति २०७८ जेठ ७ गते साँझ ५:०० बजे सम्म प्रतिनिधि सभामा विश्वासको मत प्राप्त गर्न सक्ने आधार प्रस्तुत गर्न नेपालको संविधानको धारा ७६ को उपधारा (२) बमोजिमको प्रतिनिधिसभाका सदस्यलाई आह्वान गरेकी छन् ।
संविधानको धारा ७६ उपधारा ५ मा प्रतिनिधिसभाको सदस्यले आफूमा संसद्को विश्वास रहेको आधारसहित प्रधानमन्त्री पदमा दाबी गरेमा त्यस्तो सांसदलाई राष्ट्रपतिले प्रधानमन्त्री नियुक्त गर्नसक्ने व्यवस्था छ । संविधानको धारा ७६ को उपधारा ५ मा लेखिएको छ, ‘उपधारा (३) बमोजिम नियुक्त प्रधानमन्त्रीले उपधारा (४) बमोजिम विश्वासको मत प्राप्त गर्न नसकेमा उपधारा (२) बमोजिमको कुनै सदस्यले प्रतिनिधि सभामा विश्वासको मत प्राप्त गर्न सक्ने आधार प्रस्तुत गरेमा राष्ट्रपतिले त्यस्तो सदस्यलाई प्रधानमन्त्री नियुक्त गर्नेछ ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
गृहमन्त्री लामिछानेविरुद्ध दिएको रिट सर्वोच्चले दर्ता गरेन
बैशाख १४, २०८१ शुक्रबार
भोलिदेखि जिल्ला लिग फुटबलको तेस्रो संस्करण हुँदै
बैशाख १४, २०८१ शुक्रबार
पुलिस क्लब राष्ट्रिय भलिबल प्रतियोगिताको फाइनलमा
बैशाख १४, २०८१ शुक्रबार
चितुवाको आक्रमणमा परी युवक घाइते
बैशाख १४, २०८१ शुक्रबार