निकट पत्रकारसँग छलफल गर्दै ओली

९ जेठ, काठमाडाैं ।  प्रधानमन्त्री केपी ओलीले नेपालमा राम्रो काम गर्नेप्रति प्रेस सधैं नकारात्मक रहेको भन्दै मिसन पत्रकारिताको नाममा अराजकता निम्त्याउन खोजिएको बताएका छन् । बालुवाटारस्थित सरकारी निवासमा निकट पत्रकारहरुको संगठन प्रेस चौतारी नेपाल सम्वद्ध पत्रकारहरुलाई बोलाएर यस्तो पाठ पढाएक हुन् ।

मिसन पत्रकारिताका नाममा कसैलाई बोक्ने र कसैलाई नचाहिने लाञ्छना लगाउन पाइन्छ ? भन्दै उनले संविधान र लोकतन्त्रको रक्षाकै लागि आफूले संसद विघटन गरेको तर्क गरे । मिसन पत्रकारिता गर्छु भन्नेले सरकारले गरेका कुनै पनि राम्रा कामको चर्चा नगरेको उल्टो अनावश्यक रुपमा खेदो खनेको गुनासो उनको थियो ।

नभएको कमी कमजोरी खोज्ने अनि मार्मिक कथा हाल्ने प्रवृत्ति नेपाली पत्रकारिता क्षेत्रका फस्टाएको भन्दै प्रधानमन्त्री ओलीले आफ्नो सरकारले कोरोना रोकथामदेखि सामाजिक क्षेत्रमा महत्वपूर्ण उपलव्धि हासिल गरेको दाबी गरे । तर मिसन पत्रकारिता गर्छु भनेर फूइँ लाउनेले त्यो देखेनन् –उनले भने । पत्रकारहरुसँगको अन्तक्रिया जारी छ ।