पत्रकार महासंघका केन्द्रीय अध्यक्ष पोख्रेल चढेको गाडी दाङमा दुघर्टना !

१२ जेठ, तुलसीपुर । नेपाल पत्रकार महासंघका केन्द्रीय अध्यक्ष विपुल पोख्रेल चढेको गाडी दाङमा दुर्घटना भएको छ । जिल्लाको तुलसीपुरमा पत्रकार अध्यक्ष पोख्रेल चढेको गाडीलाई स्कारपियोले ठक्कर दिएको हो ।

दाङका पत्रकार पार्वती बस्नेतले नेपालबहस डटकमलाई दिएको जानकारी अनुसार तुलसीपुर उद्योग बाणिज्य संघ जाने सडक चोकमा रा १ च ९५५ नम्बरको स्कारपियोले प्रदेश ३–०१०२२च ९२२६ नम्बरको कारलाई ठक्कर दिदाँ नेपाल पत्रकार महासंघ दाङका पूर्व अध्यक्ष सुदिप गौतम गम्भीर घाइते भएका छन् ।

गौतमको टाउकोमा चोट ६ वटा टाँका लागेको छ । गौतमको राप्ती प्रादेशिक अस्पताल तुलसीपुरमा उपचार भइरहेको पत्रकार बस्नेतले नेपालबहस डटकमलाई टेलिफोन कुराकानीमा बताइन् ।

कारमा नेपाल पत्रकार महासंघका केन्द्रीय अध्यक्ष पोख्रेल, नेपाल पत्रकार महासंघ दाङका अध्यक्ष दुर्गालाल केसी, उपाध्यक्ष सन्तोष सुवेदी लगायतको टोली चढेको थियो ।

पत्रकारको टोली नेपाल पत्रकार महासंघ दाङका साधारण सदस्य हेमन्त शर्मालाई भेटेर फर्किदै थियो । ठक्कर दिने गाडीलाई ईलाका प्रहरी कार्यालय तुलसीपुरमा राखिएको छ ।