संघबाट जाने बजेट सुदूरपश्चिम प्रदेशलाई १४ अर्ब ५८ करोड

१७ जेठ, काठमाडौं । अन्तर सरकारी वित्तीय हस्तान्तरणअन्तर्गत संघ सरकारबाट जाने रकममध्ये सुदूरपश्चिम प्रदेशले १४ अर्ब ५८ करोड पाएको छ ।

जसमा समानीकरण अनुदानतर्फ ८ अर्ब ५४ करोड ४० लाख, सशर्ततर्फ ४ अर्ब १९ करोड ३३ लाख, विशेष अनुदानतर्फ ६१ करोड ३५ लाख र समपुरकतर्फ १ अर्ब २२ करोड ९४ लाख रुपैयाँ बराबर विनियोजन गरिएको छ ।

संघ सरकारले विभिन्न ४ वटा शीर्षकमा गरी प्रदेशहरुलाई आगामी आर्थिक वर्षका लागि १ खर्ब ३ अर्ब ७० करोड २५ लाख रुपैयाँ बराबर पठाएको छ । जसअन्तर्गत समानीकरण अनुदानतर्फ ५७ अर्ब ९५ करोड ४८ लाख र सशर्ततर्फ ३५ अर्ब ८७ करोड ३१ लाख रुपैयाँ बराबर बजेट विनियोजन गरिएको छ । त्यस्तै विशेष अनुदानतर्फ ४ अर्ब १५ करोड र समपुरक अनुदानतर्फ ५ अर्ब ७२ करोड ४८ लाख रुपैयाँ बराबर बजेट प्रदेशहरुले पाएका छ ।

अन्तर सरकारी वित्तीय हस्तान्तरणअन्तर्गत ७ वटा प्रदेशले संघ सरकारबाट पाएको बजेटमा चालुतर्फ ७४ अर्ब २२ करोड १७ लाख र पूँजीगततर्फ २९ अर्ब ४८ करोड ८ लाख रुपैयाँ बराबर छुट्याइएको छ ।