महिला स्वास्थ्य स्वयंसेविकालाई स्टिल दराज वितरण

८ असार, टीकापुर । जानकी–३ ले महिला स्वास्थ्य स्वयंसेविकालाई स्टिल दराज वितरण गरेको छ । स्वयंसेविकाहरुका स्वास्थ्य कागजातहरु सुरक्षित राख्न मद्दत पुगोस् भनी वडामा रहेका नौ महिला स्वास्थ्य स्वयंसेविकालाई स्टिल दराज वितरण गरिएको हो ।

महिला स्वास्थ्य स्वयंसेविका चन्दा साउदले अब कागजात राख्न सहज हुने बताए। “हामीले विभिन्न रिपोर्टिङ, पालिकाका सबै स्वास्थ्य कार्यक्रम, अन्य सामाजिक अभियानमा काम गर्नुपर्छ”, साउदले भने, “अब दराज दिएको छ । अब कागजात सुरक्षित राख्न सहज हुनेछ । बाँकी दराजमा आफ्ना अन्य महत्वपूर्ण कागजात राख्न पनि मिल्नेछ ।”

अर्की स्वयंसेविका विदेशनी चौधरी वडाले आफूहरुलाई हौसला दिने काम गरेको बताउँछन्। “लामो समयदेखि काम गरिरहेका हामीलाई आवश्यक साइकल, मोबाइल, दराजजस्ता सामान दिएर काममा थप हौसला मिलेको छ”, चौधरीले भने, “झोलामा कागजात राख्ने ग¥थ्यौँ, अब सहज हुन्छ ।” वडा नं ३ का वडाध्यक्ष प्रदीपकुमार शाहले स्वास्थ्यसम्बन्धी रिर्पोटिङ गरेका कागजात सुरक्षित राख्न र स्वयंसेविकालाई थप जिम्मेवार बनाउन दराज वितरण गरिएको बताए।