यसपालीको तीजमा सम्झिनी पानी छम्किनी

१८ साउन, काठमाडौं । नेपाली नारीहरुको महान पर्व हरितालिका तीजको गीत ‘सम्झिनी पानी छम्किनी’ सार्वजनिक भएको छ ।

सार्वजनिक तीज भर्सनको भिडियोमा नायक भुवन केसीले मोडलिङ गरेका छन् । यो गित शम्भुजित बाँस्कोटाकाे निर्देशन तयार पारिएकाे हाे ।

गायक सम्राट चौलागाँइले पाँच महिना अगाडि यो गीत सार्वजनिक गरेका थिए । गीतले दर्शकको मन जितेपछि उनले यसको तीज भर्सन पनि सार्वजनिक गरेका हुन् ।

‘यसपालीको तीजमा सम्झिनी पानी छम्किनी’ बोलको गीतमा भूवन केसीको अलवा निर्देशक दीपाश्री निरौला, नायक आकाश श्रेष्ठ, नायिका स्वस्तिमा खड्का, मोडल गीता ढुंगाना, गायक चौलागाँई, बाल–कलाकारहरु जोभिन श्रेष्ठ, जेभिस श्रेष्ठ र आस्युमी ढकालको अभिनय छ ।

यो भिडियोलाई विक्रम स्वाँरले निर्देशन गरेका हुन् । भिडियोमा नवराज उप्रेतीको छायांकन, विरवहादुर थारुको सम्पादन छ ।