हिमालयन जनरल इन्स्योरेन्सको कस्तो छ वित्तीय अवस्था ?

७ भाद्र, काठमाडौं । गत आर्थिक वर्षको चौथो त्रैमाससम्म आइपुग्दा हिमालयन जनरल इन्स्योरेन्सको मुनाफा घटेको छ । यसअवधिमा मुनाफा १०.३५ प्रतिशतले घटेर १५ करोड ५५ लाख ६६ हजार रुपैयाँमा सीमित भएको छ ।

अघिल्लो वर्षको यसैअवधिमा यसले १७ करोड ३५ लाख ३७ हजार रुपैयाँ मुनाफा कमाएको थियो । बिमा कोषको आकार १३.८४ प्रतिशतले बढेर ६३ करोड ९७ लाख १८ हजार रुपैयाँ पुगेको छ ।

अघिल्लो वर्ष यसैअवधिमा यसको बिमा कोषमा ५६ करोड १९ लाख ३४ हजार रुपैयाँ रहेको थियो । यता, खुद बिमा शुल्क भने ३.९६५ ले घटेर २५ करोड ९ लाख २० हजार रुपैयाँ पुगेको छ । प्रतिशेयर आम्दानी २ रुपैयाँ ०६ पैसाले घटेर १४ रुपैयाँ १४ पैसामा सीमित भएको छ । प्रतिशेयर नेटवर्थ १८५ रुपैयाँ २२ पैसा छ ।