चेक क्लियरिङको अवधि थपियो

४ असोज, काठमडौं । चेक क्लियरिङ गर्ने समय बढाइएको छ । नेपाल क्लियरिङ हाउस लिमिटेडले चेक क्लियरिङ गर्ने समय थप गरिएको जनाएको हो ।

क्लियरिङ हाउसले डिजिटल भुक्तानी गर्ने क्रम अत्याधिक मात्रामा बढ्न थालेपछि विहान ९ बजेदेखि दिउँसो ३ बजेसम्म पुर्याएको हो ।

नयाँ व्यवस्थाअनुसार आइतवारदेखि बिहीवारसम्म आईपीएस प्रणाली बिहान ९ बजेदेखि दिउँसो ३ बजेसम्म सञ्चालन हुनेछ । यसअघि बिहान १० बजेदेखि दिउँसो १ बजे सम्ममात्र यो सेवा सञ्चालन हुने गरेको थियो ।

तीन घण्टा मात्र सञ्चालन हुँदै आएको उक्त सेवालाई दैनिक छ घण्टा पुर्याएको क्लियरिङ हाउसले बताएको छ ।