महालक्ष्मी विकास बैंकको सर्वाधिक शेयर खरिद-बिक्री

२३ मंसिर, काठमाडौं । साताको अन्तिम कारोबार दिन बिहीबार साढे १२ बजेको अवधिमा महालक्ष्मी विकास बैंकको सर्वाधिक शेयर खरिद-बिक्री भएको छ ।

कारोबारमा आएका २२१ ओटा कम्पनीमध्ये महालक्ष्मी विकास बैंकको सर्वाधिक शेयर खरिद-बिक्री भएको छ । सो अवधिमा कम्पनीको करिब ३ करोड बराबरको शेयर खरिद-बिक्री भएको हो । यो समाचार तयार पार्दासम्म कम्पनीको शेयरमूल्य प्रतिकित्ता ५७७ रुपैयाँमा कारोबार भएको छ ।

कम्पनीले आकर्षक लाभांश वितरण गर्ने प्रस्ताव गरेसँगै सर्वाधिक शेयर खरिद-बिक्री भएको हो । कम्पनीले गत आवको मुनाफाबाट शेयरधनीलाई २० प्रतिशत बोनस शेयर र १ दशमलव शून्य ५ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ ।