वाणिज्य बैंकहरु गरे पाँच महिनामा २८ अर्ब २० करोड मुनाफा, एनआईसी एशियाको अग्रता

४ माघ, काठमाडौं । चालु आर्थिक वर्षको पाँच महिनामा वाणिज्य बैंकहरुले २८ अर्ब २० करोड बढी मुनाफागरेका छन् । पुस मसान्तसम्म २७ वाणिज्य बैंकले २८ अर्ब २० करोड मुनाफा गर्न सफल भएका हुनु ।

कात्तिक मसान्त यता एक महिनाको अवधिमै बैंकहरुको मुनाफा १९.८७% ले बढेको हो । राष्ट्र बैंकको तथ्यांक अनुसार कात्तिकमा भने समग्र वाणिज्य बैंकहरुको कुल मुनाफा २३ अर्ब ५२ करोड रुपैयाँ भन्दा बढी रहेको थियो ।

२७ वाणिज्य बैंकहरु मध्येमा सबैभन्दा धेरै मुनाफा एनआईसी एसिया बैंक रहेको छ । एनआइसी एसियाले मंसिर मसान्तमै २ अर्ब रुपैयाँ भन्दा बढी खुद नाफा कमाएको छ । यसैगरी, दोस्रोमा ग्लोबल आइएमई बैंकले १ अर्ब ९६ करोड र तेस्रोमा नबिल बैंकले १ अर्ब ८९ करोड रुपैयाँ नाफा गरेका छन् ।

हेरौं कुन बैंकले कति गरे मुनाफा ?

एनआईसी एसियाले मंसिर मसान्तमै २ अर्ब रुपैयाँ भन्दा बढी मुनाफा गरेको छ । यसैगरी, दोस्रोमा ग्लोबल आइएमई बैंकले १ अर्ब ९६ करोड, नबिल बैंकले १ अर्ब ८९ करोड, राष्ट्रिय वाणिज्य बैंकले १ अर्व ८८ करोड, प्राइम कमर्सियलले १ अर्ब ५० करोड, प्रभूले १ अर्ब ३७ करोड, एनएमबि बैंकले १ अर्ब ३६ करोड, सिद्धार्थले १ अर्ब ३३ करोड, नेपाल इन्भेष्टमेन्टले १ अर्ब ३३ करोड, मेगा बैंकले १ अर्ब २६ करोड, नेपाल बैंकले १ अर्ब ३ करोड, सिटिजन्स बैंकले ९९ करोड, स्टान्डर्ड चार्टर्डले ९० करोड, माछापुच्छ«ले ८७ करोड, कुमारी बैंकले ८६ करोड, सानिमा बैंकले ८६ करोड, लक्ष्मी बैंकले ७८ करोड, एभरेष्ट बैंकले ७५ करोड, एनसीसी बैंकले ७५ करोड, सनरनइज बैंकले ७० करोड, नेपाल एसबिआई बैंकले ६५ करोड, कृषि विकास बैंकले ६५ करोड, हिमालयन बैंकले ५४ करोड, नेपाल बंगलादेश बैंकले ५४ करोड, बैंक अफ काठमाण्डूले ४९ करोड, सिभिल बैंकले ४१ करोड र सेञ्चुरी कमर्सियल बैंकले ४० करोड मुनाफा गर्न सफल भएका हुन् ।