मितेरी विकास बैंकको मुनाफासँगै घट्यो प्रतिशेयर आम्दानीमा

१३ माघ, काठमाडौं । मितेरी विकास बैंक लिमिटेडले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ। सो विवरणमा बैंकको मुनाफा घटेको छ। पुस मसान्तसम्ममा बैंकले ६ करोड ८० लाख रुपैयाँ मुनाफा आर्जन गरेको छ।

गत आर्थिक वर्षको सोही अवधिको तुलनामा बैंकको नाफा २.४५ प्रतिशतले कम हो। गत आर्थिक वर्षको सोही अवधिसम्ममा बैंकले ६ करोड ९९ लाख रुपैयाँ मुनाफा गरेको थियो।

समीक्षा अवधिमा बैंकको खुद ब्याज आम्दानी भने १९.३८ प्रतिशतले बढेर एक अर्ब १४ करोड ७७ लाख रुपैयाँ पुगेको छ। यस अवधिमा बैंकको खुद फि तथा कमिशन आम्दानी १४।७१ प्रतिशतले घटेको छ। समीक्षा अवधिमा बैंकको सञ्चालन मुनाफा पनि २.५६ प्रतिशतले घटेको छ। सो अवधिसम्ममा बैंकको इम्पेरमेन्ट चार्ज बढेर १ करोड ३६ लाख रुपैयाँ पुगेको छ। पुस मसान्तसम्ममा बैंकको वितरण योग्य मुनाफा समेत २ करोड ५१ लाख रुपैयाँ रहेको छ।

बैंकको नाफा घटेसँगै प्रतिशेयर आम्दानीमा समेत गिरावट आएको छ। बैंकको प्रतिशेयर आम्दानी २.४५ प्रतिशतले घटेको विवरणमा उल्लेख गरिएको छ। गत आर्थिक वषको पुस मसान्तसम्म १७ रुपैयाँ ५१ पैसा रहेकोे यस्तो आम्दानी चालु आर्थिक वर्षको सोहि अवधिसम्ममा घटेर १५ रुपैयाँ ६ पैसामा सीमित भएको छ। चुक्ता पूँजी ९० करोड ३४ लाख रुपैयाँ रहेको बैंकको जगेडा कोषमा ३१ करोड १५ लाख रुपैयाँ सञ्चित रहेको छ।

पुस मसान्तसम्ममा बैंकको प्रतिशेयर नेटवर्थ १३४ रुपैयाँ ९२ पैसा रहेको छ भने मूल्य आम्दानी अनुपात ३९.४४ गुणा रहेको छ।