निर्जीवन बीमा कम्पनी कुनले कति दिदैछन् लाभांश ?

१९ माघ, काठमाडौं । हालसम्म ५ निर्जीवन बीमा कम्पनीले लाभांश घोषणा गरेका छन् । हालसम्म हिमालयन जनरल इन्स्योरेन्स, प्रिमियर इन्स्योरेन्स, नेको इन्स्योरेन्स, एनएलजी इन्स्योरेन्स र प्रभु इन्स्योरेन्सले लाभांश घोषणा गरेका छन् ।

यी पाँच कम्पनीले आर्थिक वर्ष २०७७/७८ को मुनाफाबाट सेयरधनीलाई वितरण गर्ने लाभांश घोषणा गरेका हुन् ।

बीमा समिमिते जीवन तथा निर्जीवन बीमा कम्पनीहरुलाई नगद लाभांश वितरणमा रोक लगाएको छ ।

समितिले भविष्यमा जोखिममा आधारित पूँजी कायम गर्नुपर्ने तथा कम्पनीलाई आइपर्नसक्ने थप जोखिम बहन गर्न पूँजी कोषलाई सवल बनाउनका लागि भन्दै नगद लाभांश वितरण गर्नमा रोक लगाएको हो ।

समितिले बीमा कम्पनीले अर्को व्यवस्था नहुञ्जेलसम्मको लागि नगद लाभांश वितरणमा रोक लगाएको हो ।

सोही व्यवस्था बमोजिम निर्जीवन बीमा कम्पनीहरुले लगानीकर्तालाई दिने लाभांश प्रस्ताव गर्न थालेका हुन् ।