शुक्रबार १३ अंकले बढ्यो शेयरबजार

१० असार, काठमाडौं । शुक्रबार शेयरबजारको परिसूचक नेप्से १३.७८ अंकले बढेको छ । साताको अन्तिम दिन २ घण्टा खुलेको बजारमा १ अर्ब १५ करोड रुपैयाँको कारोबार भयो ।

बैंकिङ २, विकास बैंक ५७, फाइनान्स २४, होटल तथा पर्यटन २६, जलविद्युत् २४, जीवन बीमा १३१, उत्पादन २९, माइक्रोफाइनान्स ३१, निर्जीवन बीमा १२८, अन्य १२ र ब्यापार उपसमूह ३ अंक बढे ।

कुल ४१ कम्पनीको मूल्य घट्दा १५० को बढ्यो भने ३ को स्थिर रह्यो । यस दिन न्यादी हाइड्रोपावरको मूल्य १० प्रतिशत बढ्यो । सीवाईसी नेपाल लघुवित्तको मूल्य ८ प्रतिशत बढ्यो ।

हिजोसम्म १० प्रतिशत मूल्य बढेको आाधीखोला लघुवित्तको मूल्य आज भने ७.८ प्रतिशत घट्यो । कारोबार रकमका आधारमा कुमारी बैंक, ङादी गु्रप पावर, लक्ष्मी बैंक, हिमालयन डिस्टिलरी र नागरिक लगानी कोष क्रमशः अगाडि आएका छन् ।