दोलखामा २७ राउन्ड फायर, विवाद मिलाउने प्रयास जारी

४ मंसिर, काठमाडौं । मतदानका क्रममा भएको झडप र विवादका कारण दोलखाका विभिन्न मतदान केन्द्रमा मतदान प्रक्रिया रोकिएको छ । झडपबाट उत्पन्न परिस्थितिलाई नियन्त्रणमा मतदान केन्दमा तैनाथ सुरक्षाकर्मीले पछिल्लो विवरणसम्ममा २७ राउण्ड हवाई फायर गरेका छन् ।

गौरीशंकर गाउँपालिका–२ स्थित मतदान केन्द्रमा स्थगित भएको मतदान सुचारु हुन सकेको छैन । बैतेश्वर गाउँपालिकाको वडा नम्बर–१ र २ मा पनि तनाव सिर्जना भएको मतदान क्रम रोकिएको छ ।

कालिञ्चोक गाउँपालिकाको ७ र १ तथा जिरी नगरपालिका–९ मा मा प्रहरीले हवाई फायर गरेको छ । तामाकोशी गाउँपालिका–३ स्थित कालापानी मावि मतदान केन्द्रमा झडप भएकोे छ । झडपमा १५ राउन्ड गोली चलाइएको छ ।
कालापानीमा सत्ता गठबन्धन र एमालेका कार्यकर्ताका बीचमा झडप भएको छ । झडपमा नेपाल प्रहरीका असई घाइते भएका छन् .

झडपपिछ एक समूहले मतपेटिका फुटाउन खोजेपछि प्रहरीले गोली चलाएको थियो । विवाद मिलाउन पहल भइरहेको जनाइएको छ ।