काठमाडौंका विजयी सांसदलाई मेयर बालेनको सन्देशः सहकार्यका लागि आतुर छौं

८ मंसिर, काठमाडौं । कठमाडौं महानगरपालिका प्रमुख बालेन्द्र साह ‘बालेन’ले जिल्लाका नवनिर्वाचित संघीय सांसदहरुलाई बधाई शुभकामना दिएका छन् ।

उनले केही समय अघिमात्र सामाजिक संजालमार्फत सन्देश प्रवाह गर्दै नवनिर्वाचित सांसदहरुसँग काठमाडौं बनाउन महानगरको एक्लो प्रयासले मात्र संभव नभएको बताउँदै आम समस्या समाधानका लागि संघीय सरकारको सहयोग र स्ेतसाधनको आवश्यकता अनिवार्य भएको औल्याएका छन् ।

उनले काठमाडौंमा खोला किनार व्यवस्थापन , फोहोर व्यवस्थापन, बागमती, टुकुचा, धोबीखोला आदि समस्याहरुको समाधानमा संघीय सरकार र सांसदको बलियो साथ आवश्यक रहेको बताएका छन् ।

उनले संसदमा नवनिर्वाचित सांसदहरुको प्रवेशसँगै ‘सहकार्य’को प्रस्ताव गरेबाट आफू धेराबन्दी परेको सन्देश समेत दिएको चर्चा गरिएको छ । यसअघि उनी महानगरभित्र अवैध संरचना भत्कउँदा साथ पाएपनि विकल्पबिना लखेटेका फुटपाथ व्यापारीको आक्रोशमा पर्दै आइरहेका छन् । यसअघि पनि भक्तपर २ बाट सांसद रहेका महेश बस्नेतले फुटपाथ व्यापारीको पक्षमा बोलेपछि उनलाई बोर्ड बैठकमै सदस्य (वडा अध्यक्ष)हरुले आलोचना गरेका थिए ।

काठमाडौं महानगरपालिकामा काठमाडौं १, २, ३, ४, ५, ६, ७, ८ र ९ निर्वाचन क्षेत्र पर्छन् । बालेनले नौ क्षेत्रबाटै निर्वाचित सांसदहरूको तस्बिर राखेर आफ्नो सन्देश लेखेका छन् ।

चुनावकाे संघारमा मुख नखाेलेका दलहरूकाे आलाेचना गर्दै आइरहेका फुटपाथ व्यापरीहरू चुनावपछि प्रतिकार उत्रने चर्चाबीच मेयर बालेनले यस्ताे सन्देश प्रवाह गरेका हुन् । सयाैं पफुटपाथ व्यापारीहरूबाट उठाएर लैजाने खाद्ध वस्तुहरू नगर प्रहरीले उपभाेग गर्ने र सित्तैमा बाँड्ने गरिएकाे पाइएपछि उनीहरूले आक्राेशित छन् ।

मेयर बालेन स्वतन्त्रबाट मेयर बनेका बालेनले जफत गरिएका सामानबारे चुइँक्क बाेलेका छैनन् ।