सार्वजनिक ऋण व्यवस्थापन कार्यालय स्थापनापछि राष्ट्र बैंकको काम र कमाईमा कटौती

१४ मंसिर, काठमाडौं । ‘सार्वजनिक ऋण व्यवस्थापन ऐन, २०७९’ आएपछि राष्ट्र बैंकको काम मात्र नभई कमाई समेत घट्ने देखिएको छ ।किनकि ऐनबमोजिम सरकारले आन्तरिक ऋण लिने जिम्मेवारीका लागि स्थापना गरिएको ‘सार्वजनिक ऋण व्यवस्थापन कार्यालय’ संचालनमा आएपछि यस्तो अवस्था देखिएको हो । अहिलेसम्म सरकारलाई चाहिने आन्तरिक ऋण नेपाल राष्ट्र बैंकले उठाइदिने गरेको थियो ।

सरकारको आग्रहमा राष्ट्र बैंकले आन्तरिक ऋण उठाउने र भुक्तानीको व्यवस्था गरिदिने गरेको थियो । यसमा राष्ट्र बैंकको मौद्रिक व्यवस्थापन विभागले काम गर्दै आएको थियो ।

उक्त विभागले नेपाल सरकारको आन्तरिक ऋण व्यवस्थापन, आन्तरिक ऋण लिन क्यालेन्डर बनाउने, आन्तरिक ऋण उठाउन नीति तर्जुमा गर्ने जस्ता काम गर्ने गरेको थियो । अबदेखि यावत कार्य सार्वजनिक ऋण व्यवस्थापन कार्यालयले गर्ने गरी ऐनमा व्यवस्था गरिएको छ ।

यसबापत बापत नेपाल राष्ट्र राष्ट्र बैंकले निश्चित रकम कमिशन लिने गरेकोमा सार्वजनिक ऋण व्यवस्थापन कार्यालयमा सर्ने भएपछि राष्ट्र बैंकको आम्दानी पनि कम हुने भएको छ । कार्यालयले आउँदो आर्थिक वर्षदेखि नै सरकारको आन्तरिक ऋण व्यवस्थापन गर्न सुरु गर्ने तयारी थालेको छ ।