नेप्सेमा सानिमा बैंक लिमिटेडको शेयर मूल्य समायोजन, भाउ २४७.१८ रुपैयाँ पुग्यो

१९ मंसिर, काठमाडौं । नेपाल स्टक एक्सचेञ्ज ‘नेप्से’ मा सानिमा बैंक लिमिटेडको शेयर मूल्य समायोजन भएको छ। लाभांश वितरण प्रयोजनार्थ बैंकले बुकक्लोज गरेसँगै नेप्सेले शेयर मूल्य समायोजन गरी नयाँ मूल्य निर्धारण गरेको हो।

नेप्सेले बैंकको १० प्रतिशत बोनस शेयर समायोजन गरेको हो। समायोजनपछि बैंकको शेयर मूल्य २४७ रुपैयाँ १८ पैसा कायम भएको छ। अघिल्लो कारोबार दिनको अन्तिम मूल्यका आधारमा बैंकको शेयर मूल्य समायोजन भएको थियो ।

अघिल्लो कारोबार दिन ‘आइतबार’ बैंकको शेयर प्रतिकित्ता २७१ रुपैयाँ ९० पैसामा अन्तिम कारोबार भएको थियो। नयाँ मूल्यलाई आधार मानेर आज बैंकको शेयर कारोबार खुल्नेछ।