बिन्धबासिनी म्यूजिक कम्पनीका सञ्चालक सुवास रेग्मी सामान्य धरौटीमा रिहा

१९ फागुन, काठमाडौं । जिल्ला अदालत काठमाडौंले बिन्धबासिनी म्यूजिक कम्पनीका सञ्चालक सुवास रेग्मीलाई सामान्य धरौटीमा रिहा गर्ने आदेश दिएको छ । साइवर क्राइमको आरोपमा हदम्याद गुजारेर महेश आर्चायलगायतकाले दिएको उजुरी उपर नेपाल प्रहरीको साइबर ब्युरोले उनलाई साइबर क्राइमको अभियोगमा पक्राउ गरेको थियो ।

गत फागुन ८ गते बैंककबाट नेपाल आउँदै गर्दा सञ्चालक रेग्मीलाई साइबर व्यूरोले पक्राउ गरेको थियो । सोको अनुसन्धान सकेर प्रहरीले जिल्ला सरकारी वकिलको कार्यालय काठमाडौंमा हिजो बिहीबार बुझाएको प्रतिवेदनमाथि आज काठमाडौं जिल्ला अदालतमा बहस भएको थियो ।

बिन्ध्यबासिनी म्युजिक प्रालिका सञ्चालक सुवास रेग्मीलाई पाँच वर्ष कैद सजायको माग गर्दै आजै शुक्रबार अदालतमा मुद्दा दायर गरेको थियो । रेग्मीविरुद्ध विद्युतीय कारोबार ऐन २०६३ को दफा ४७ (१) बमोजिम सजाय माग्दै सरकारी वकिलले अभियोगपत्र दर्ता गरेको हो ।

र याे पनि….हदम्याद नाघेको उजुरीमा बिन्धबासिनी म्यूजिक कम्पनीका सञ्चालक सुवास रेग्मी प्रक्राउ परेको खुलासा, उजुरीकर्ताका साक्षीहरु नै गायव