दलहरुबीच मन्त्रालय बाँडफाँटमा सहमति, अब मन्त्रिपरिषद विस्तार

१६ चैत्र, काठमाडौं । सत्तासझेदार दलबीच कसले कुन मन्त्रालय लिने भन्नेमा सहमति जुटेको छ । यो सहमतिसंँगै प्रधानमन्त्री पुष्पकमल दाहाल‘प्रचण्ड’ले मन्त्रिपरिषद विस्तारको तयारी थालेका छन् । सबै पार्टीबाट मन्त्रीहरुको नाम भने आइसकेको छैन् । बालुवाटार स्रोतका अनुसार नेपाली कांग्रेसले ८ मन्त्रालय, नेकपा माओवादी केन्द्रले ५ मन्त्रालय, एकीकृत समाजवादी पार्टीले २ मन्त्रालय पाउने भएका छन् ।

गठबन्धनको ठूलो दल कांग्रेसले अर्थ, परराष्ट्र, रक्षा, सहरी विकास, भूमि व्यवस्था, सामान्य प्रशासन, स्वास्थ्य र कानुन मन्त्रालय मन्त्रालय पाउने भएको छ भने माओवादीले गृह‚ ऊर्जा‚ सञ्चार‚ पर्यटन र महिला तथा बालबालिका मन्त्रालयको जिम्मेवारी पाउने भएको छ । एकीकृत समाजवादीले भौतिक पूर्वाधार र वन मन्त्रालय पाउने भएको छ ।

त्यस्तै नेपाल समाजवादी पार्टीले खानेपानी तथा सरसफाइ मन्त्रालय‚ जनमत पार्टीले उद्योग, वाणिज्य तथा आपूर्ति मन्त्रालय, नागरिक उन्मुक्ति पार्टीले युवा तथा खेलकुद र जनता समाजवादी पार्टी (जसपा) ले शिक्षा, विज्ञान तथा प्रविधि मन्त्रालय, कृषि तथा पशुपन्छी मन्त्रालय, लोकतान्त्रिक समाजवादी पार्टी (लोसपा) ले श्रम, रोजगार तथा सामाजिक सुरक्षा मन्त्रालय पाउने भएका छन ।

आजै मन्त्रिपरिषद् विस्तार गर्ने तयारीसमेत रहेको स्रोतले जनाएको छ । अन्तिम समयमा कुनै पनि दलले विवाद सिर्जना नगरे अहिलेसम्मको सहमतिअनुसार यिनै मन्त्रालयमा सहमति टुंगिएको बताइएको उसको दावी छ । मन्त्रिपरिष आजै बिस्तार हुने देखिएको छ ।