मन्त्री छनोटमा सम्मानजनक स्थान नदिएको भन्दै कोइराला समूहले जनायो आपत्ति
![नेपालबहस संवाददाता](
https://nepalbahas.prixacdn.net/media/albums/NB_x6Vewor94V.jpeg
)
नेपालबहस संवाददाता
चैत १७, २०७९ शुक्रबार १७:५४:४९
![](https://nepalbahas.prixacdn.net/media/albums/shekar_bSljSLsd7N.jpg)
१७ चैत, काठमाडौं । नेपाली कांग्रेसको संस्थापन इतरसमूहले मन्त्रिपरिषदमा कांग्रेसले पाएको कोटा अनुसार आफ्नो समूहलाई सम्मानजनक स्थान नदिएको भन्दै आपत्ति जनाएको छ । उक्त समुहले सरकारमा आफ्नो पक्षको सहभागिता सम्मानजनक नभएसम्म मन्त्रीको नाम नदिने निर्णयसमेत गरेको छ ।
सत्ता गठबन्धनमा कांग्रेसले ८ मन्त्रालय पाएको छ । सभापति शेरबहादुर देउवाले शेखर समूहलाई दुई मन्त्रीको नाम दिन भनेपछि कोइराला समूहले यसमा असहमति जनाएको हो ।
शुक्रबार बिहान बसेको कोइराला समूहका पदाधिकारीहरुको बैठकले सम्मानजनक सहभागिता नभएसम्म मन्त्रीहरुको नाम नदिने निर्णय गरेको सहमहामन्त्री जीवन परियारले जानकारी दिए ।
उनले छलफलपश्चात् नेता कोइरालाले आफ्नो समूहले सम्मानजनक सहभागिता नपाए सरकारमा सहभागी नहुने सन्देश प्रधानमन्त्री प्रचण्ड र पार्टी सभापति शेरबहादुर देउवालाई पठाएको जानकारी दिए । कोइराला समूहले तीन मन्त्रालय पाउनुपर्ने माग गरेको छ । संस्थापन समूहले भने दुई मन्त्रालय दिने भनेको छ ।
छलफलमा नेता कोइरालासहित उपसभापति धनराज गुरुङ, महामन्त्री गगन थापा, सहमहामन्त्रीद्वय बद्री पाण्डे र जीवन परियार सहभागी थिए । अहिले मन्त्रीको अन्तिम टुंगो लगाउन सभापति देउवाको अस्थायी निवास धुम्बाराहीमा बैठक जारी छ । बैठकमा शेखर समूहबाट कोही नेता गएका छैनन् । शेखर समूहबाट धनराज गुरुङ र डिगबहादुर लिम्बू मन्त्री बन्ने चर्चा छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपशक्तिशाली प्रधानमन्त्री ओली किन डराइरहेका छन् ?
भदौ १५, २०८१ शनिबार
टुँडिखेलमा ओली र देउवाविरुद्ध नाराबाजी गर्ने युवा धरौटीमा रिहा
भदौ १५, २०८१ शनिबार
ग्यासबाहेक अन्य इन्धनमा निगमले घटायो मूल्य
भदौ १५, २०८१ शनिबार
एभर्टनमाथि बोर्नमाउथको शानदार कमब्याक जित
भदौ १६, २०८१ आइतबार
हालाण्डको ह्याट्रिकमा म्यानचेस्टर सिटीको शानदार जित
भदौ १६, २०८१ आइतबार
आज संसदका चार समितिको बैठक बस्दै
भदौ १६, २०८१ आइतबार
नारायणगढ- मुग्लिङ सडकखण्डमा भारतीय बस र ट्रक ठोक्किए
भदौ १६, २०८१ आइतबार
भल्लाडोलिडमाथि बार्सिलोनाको गोल बर्षा, राफिन्हाको ह्याट्रिक
भदौ १६, २०८१ आइतबार