ज्याग्दीखोलामा स्याङ्जाकै लामो झोलुङ्ग पुल
इन्द्र रिजाल
भदौ ३, २०७६ मंगलबार १७:५१:१२
३ भदौ,स्याङ्जा । स्याङ्जाको ज्याग्दीखोलामा जिल्लाकै लामो झोलुङ्गे पुल निर्माण भएको छ । केन्द्रीय आयोजना डोलीडारमार्फत जय नेपाल निर्माण सेवा कम्पनीले पुल निर्माण गरेको हो । खोलाको सतहदेखि १ सय १९ मिटर उचाईमा बनेको पुलको लम्बाई ३ सय १८ मिटर छ ।
जिल्लाकै लामो झोलुङ्गे पुल भएपनि गण्डकी प्रदेशमा भने ज्याग्दीखोलाको उक्त पुल लम्बाईको तुलनामा चौथो नम्बरमा आउँछ । लम्बाई बढि भएका झोलुङ्गे पुलमा पर्वतमा मात्रै ३ वटा पुल छन् । कुस्मा–कुडीकुवा ३ सय ५९, कुस्मा–बलेवा ३ सय ४७ र कुस्मा–ग्यादी ३ सय ४४ मिटरका पुल नेपालकै लामो पुल मध्येका झोलुङ्गे पुल हुन् ।
पुलबाट दैनिक १ हजार ५ सय यात्रु आवतजावत गर्ने गरेको पुल निर्माण उपभोक्ता समितिका अध्यक्ष राजन डोटेलले जानकारी दिए । चापाकोट नगरपालिकालाई पर्यटकीय क्षेत्रको रुपमा विकास गर्न गरी समृद्ध नगर बनाउन, स्थानीय तथा विद्यालय जाने विद्यार्थी, र यात्रुलाई मध्यनजर राखेर पुल निर्माण गरिएको उनले बताए ।
झण्डै साढे ४ करोड रकममा योजना सम्पन्न भएको पुलले चापाकोट नगरपालिका हरिनाश गाउँपालिका र पाल्पाको रामपुर नगरपालिकाका स्थानीय बासिन्दा प्रत्यक्ष लाभान्वित हुनेछन् । खोला वारपार गरेर गाउँमा निस्कन करिब आधा घण्टा समय खर्चनुपथ्र्याे अहिले पुल बनेपछि पाँच मिनेटमै उक्त गाउँमा पुग्न सहज भएको छ ।
नमूनाका रुपमा निर्माण भएको पुल हेर्नेको अहिले घुइँचो छ । विभिन्न स्थानबाट यो पुल अवलोकन गर्न आउनेक्रम बढेको छ । “बञ्जीजम्प सञ्चालन गर्ने योजना बनाएका छौं ।” स्थानीय दीर्घबन्धु पौडेलले भने, “बञ्जीजम्प संचालनमा आएपछि आन्तरिक पर्यटक मात्र नभई बाह्य पर्यटक भित्रने अपेक्षा गरेका छौं ।”
“ज्याग्दीखोलाको उक्त स्थानमा पुल अति नै आवश्यकता थियो, बल्ल बनाउन सकियो ।” गण्डकी प्रदेशका सांसद भागवतप्रकाश मल्लले भने, “लामो प्रयासबाट पुल बनेको छ, बाटो छोटो हुने भएपछि स्थानीयलाई राहत हुनेछ ।”
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थप‘विप्रेषण विकासको दीर्घकालीन माध्यम होइन’
जेठ ३, २०८१ बिहिबार
च्याङ्ग्रा पस्मिना निर्यातसम्बन्धी निर्देशिका सार्वजनिक
जेठ २, २०८१ बुधबार
नेपालमा लगानी गर्न पोल्याण्डलाई चेम्बर अफ कमर्सको आग्रह
जेठ १, २०८१ मंगलबार
सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा
जेठ ३, २०८१ बिहिबार
केपी ओलीले मदन भण्डारीका ‘हत्यारा’ लुकाएकै हुन् ?
जेठ ३, २०८१ बिहिबार
सहकारी ठग्नेलाई कारवाही गर्न ओली किन अनिच्छुक ?
जेठ ३, २०८१ बिहिबार
आइपिएलमा आज मुम्बई र लखनउ खेल्दै
जेठ ४, २०८१ शुक्रबार
५ लाख धरौटीमा छुटे गायक रवि ओड
जेठ ४, २०८१ शुक्रबार
जेठ ७ गते प्रधानमन्त्री प्रचण्डले चौथो पटक विश्वासको मत लिने
जेठ ४, २०८१ शुक्रबार
मधेसमा नयाँ सरकार गठन चुनौतीपूर्ण, सत्ताको नेतृत्व गर्न दलहरुबीच हानथाप !
जेठ ४, २०८१ शुक्रबार
आइपिएल : सनराइजर्स हैदरावाद प्लेअफमा
जेठ ४, २०८१ शुक्रबार