भ्रष्टाचार शीरोमणि ओली
नेपालबहस संवाददाता
माघ १४, २०७६ मंगलबार १९:८:३३
१४ माघ काठमाडौं । सुशासन र भ्रष्टारमुक्त नेपाल निर्माण गर्ने नाराका साथ सत्ता हत्याएको खड्गप्रसाद ओली सरकारको कार्यशैली र व्यावहारले ती सबै नाटक मात्रै भएको पुष्टी गरेको छ । मुलुकमा हालीमुहाली गर्न पाउने जनमत प्राप्त सत्ताधारी दल नेपाल कम्युनिष्ट पार्टीको पछिल्ला गतिविधिले जनतामा निराशा मात्र नभई भयानक आक्रोश समेत थपेको छ ।
देश र जनताको भन्दा व्यक्तिगत स्वार्थमा नेकपाका शीर्ष नेताहरुको ध्यान केन्द्रित भएका छन् । जनतासँग गरिएका कुनै पनि पूर्व वाचा पूरा गर्ने तत्परता नेकपाले गरेको छैन । बरु पाएसम्म लुटतन्त्र मच्चाउने अभियानमा लिप्त छ । मुलकमा सुशासन र भ्रष्टाचार शून्य भन्ने ओलीका नारा फगत गफ भएका छन् । बरु ओली सत्तामा गएपछि इतिहासमै नभएका भ्रष्टाचारी काण्डहरुको कीर्तिमानी थपिएको छ ।
नियम कानून र परम्परालाई पूर्णत तिलाञ्जली दिएर राष्ट्रिय सम्पतिको चरम दोहन गर्नु ओली सरकारको एक मात्र अभिष्ट बनेको छ । जब जब ओली सत्तामा पुग्छन् । राज्यको सम्पतिलाई ‘उल्फाको धन फुपुको श्राद्ध’ जस्तो बनाउने गरेका छन् । जनताको धनमा लुटतन्त्र चलाउँदा समेत जनता टुलु टुलु हेरेर बस्न वाध्य छन् । प्रतिपक्षी दलको घर झगडा र कमजोर प्रस्तुतिले ओली सरकारलाई बाँदरलाई लिस्नू भने जस्तो छ ।
भ्रष्टाचारको कुरा गर्ने हो भने नेपालको इतिहासमै नभएको भ्रष्टाचार ओली सरकारले गरेको छ । नीतिगत भ्रष्टाचारको आकार हेर्ने हो भने मूर्छा पर्ने आँकडा देख्न सकिन्छ । आफूलाई जनपक्षीय दावी गर्ने ओली सरकारले विगत पञ्चायत कालमा समेत गर्न नसकेको भ्रष्टाचारको नयाँ कीर्तिमान कायम गरिदिएका छन् ।
राजा वीरेन्द्रको बंश नाश भएपछि सरकारले उनको सम्पति नेपाल ट्रष्ट बनाएर सरकारीकरण गर्यो । तर ओलीका लागि भने त्यो सम्पति निजी स्वार्थ पूर्ति गर्ने साधनका रुपमा प्रयोग हुन थालेको छ । वीरेन्द्रको निजी सम्पतिका रुपमा रहेको गोकर्ण रिसोर्टदेखि पाथीभराको जग्गा समेत यति समूहलाई कौडीको भाउमा दिएर ओलीले नीतिगत भ्रष्टाचार गरेको जगजाहेर छ ।
ओलीले मन्त्रिपरिषदको आडमा निर्णय गराएर राज्यको सम्पतिको चरम दोहन गरेका छन् । उनको निर्णय बिगतका राजा महाराजाले गरको हुकुमी निर्णयलाई समेत माथ गर्ने खालको छ । गोकर्ण रिसोर्टको ६ बर्ष अवधि पूरा नहुँदै अहिले नै लिजको म्याद थप गर्नुको औचित्य कतैबाट पनि पुष्टी हुन सकेको छैन । तर उनले यस्तो निर्णय गरी छाडे । त्यही यति समूहलाई राजदरबार अघिल्तिरको दक्षिणी ढोका निर विशाल भवन बनाउन जमीन दिइएको छ ।
अहिले भवन धमाधम बन्दै छ । यति मात्र होइन, नारायणहिटी दरबार भित्रकै लमजुङ बैठक पनि यति समूहलाई रेष्टुराँ चलाउन दिने निर्णय भइसकेको छ । यसैगरी राजा वीरेन्द्रकै निजी सम्पतिका रुपमा रहेको पोखराको रत्न मन्दिर, चितवनको दियालो बंगला पनि यति समूहलाई जिम्मा लगाउने निर्णय भएको छ । यो भन्दा ठूलो भ्रष्टाचार के हुन सक्ला ? सरकारी निकायमा बिराजमान पदाधिकारीले घूस मागेको खुलेआम आरोप लाग्दा समेत कोही बोल्दैनन् ।
प्रधानमन्त्री ओली र अर्का पार्टी अध्यक्ष पुष्पकमल दाहाल प्रचण्डका सबैभन्दा विश्वासिला एक जना मेडिकल माफियाले सरकारी पदाधिकारीले कलेजको सम्बन्धन माग्दा २० करोड रुपियाँ घूस मागेको कुरा पत्रकार सम्मेलन नै गरेर उदाङ्गो पारे । त्यसमा पनि मन्त्री र पार्टीका ठूलै नेतालाई दिनु पर्छ भन्ने कुरा सार्वजनिक गरे । तर त्यसमा कोही पनि प्रतिक्रृया दिंदैनन् । झापाको विर्तामोढमा बी एण्ड सी मेडिकल कलेज सञ्चालन गर्ने दुर्गा प्रसाईंले हाक्का हाक्की यी कुरा बोले ।
मेडिकल काउन्सिलका उपाध्यक्ष श्रीकृष्ण गिरीले सम्वन्धन प्रकृया अघि बढाउन २० करोड मागेको उनले बताए । उक्त रकम शिक्षा मन्त्री गिरिराजमणि पोखरेल र नेता नारायणकाजी श्रेष्ठलाई बुझाउनु पर्ने भन्ने गिरीको भनाई रहेको दावी प्रसाईंले गरे । यस्तो गम्भिर आरोप लाग्दा समेत न त मन्त्री पोखरेलले कुनै प्रतिकृया जनाए न नेता नारायणकाजीको कुनै बोली फुट्यो । यसको अर्थ मौनम् सम्मति लक्षणम् नै भन्ने बुझ्नु पर्ने हुन्छ ।
प्रसाईंले प्रमाणसहित आरोप लगाउँदा समेत प्रधानमन्त्री ओलीले कुनै चासो दिएनन् । यसको अर्थ लगाउनेले राम्रैसँग बुझेका छन् । मार्सी चामलको भात ख्वाएर राष्ट्रिय चर्चामा आएका प्रसाईं चानचुने मानिस पक्कै होइनन् । तर यसमा अख्तियार अनुसन्धान आयोगको समेत ध्यान पुग्न सकेको देखिएन । आखिर किन त ? प्रश्न स्वभाविक रुपले उठ्छ नै ।
जानकार भन्छन् ओली नै यसका संरक्षक भएपछि अैरे गैरे नथ्थु खैरेको के मजाल । नेपाली जनताले यी घटनालाई अहिले टुलुटुलु हेर्नु पर्ने वाध्यता छ । किनभने प्रतिपक्षी दल कमजोर छ । नेपाली काँग्रेस जनताका सवाल उठाउनु भन्दा आन्तरिक घर झगडा र भागवाण्डामै रमाएको अवस्था छ । त्यसैले पनि सरकारलाई मनपर्दी गर्न छुट मिलेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसहमतिका नाममा शीर्ष नेताको जात्रा हेरिनसक्नु छः घिमिरे
पुष २०, २०८० शुक्रबार
टिकटकमाथि प्रतिबन्धः भ्रम र यथार्थ
कात्तिक ३०, २०८० बिहिबार
संयुक्त राष्ट्रसंघमा नेपाल
कात्तिक १२, २०८० आइतबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
पूर्वराजा ज्ञानेन्द्र सडकमा आउने मुहूर्त
बद्रीनरसिंह के.सी.
बैशाख १६, २०८१ आइतबार
एसपीको ड्राइभर कि घुमुवा ?
बैशाख १७, २०८१ सोमबार
राजनीतिक स्थायित्व नभएको देशमा लगानी सम्मेलनको खास अर्थ हुँदैनः कोइराला
बैशाख १७, २०८१ सोमबार
जनता झुक्याउन एनसेलमा प्रचण्डको अर्को राजनीति, लाइसेन्स नवीकरण गर्न किन राखियो सर्त ?
बैशाख १७, २०८१ सोमबार
पूजा शर्माको फिल्म ‘दान्भी’ असार ७ देखि प्रदर्शन हुने
बैशाख १८, २०८१ मंगलबार
इलाममा एकीकृत समाजवादी र राप्रपाको लज्जास्पद हार, झलनाथ थिए चुनावी कमाण्डर !
बैशाख १८, २०८१ मंगलबार
इजरायल र हमासबीच युद्ध विरामको संकेत
बैशाख १८, २०८१ मंगलबार
दिल्लीमाथि कोलकोता ७ विकेटले विजयी
बैशाख १८, २०८१ मंगलबार
कस्तो छ आजको मौसम ?
बैशाख १८, २०८१ मंगलबार
तपाईको आजको राशीफल कस्तो छ ?
बैशाख १८, २०८१ मंगलबार